ઇમરાન સમર્થનમાં થયેલા પ્રદર્શનમાં 25 કરોડ રૂપિયાનું નુકસાન: ભિખારીનો કટોરો કાણો જેવી સ્થિતિ

પોલીસે હિંસાના શકમંદોની અટકાયત કરી
પોલીસે હિંસાના સંબંધમાં 250 થી વધુ લોકોની ધરપકડ કરી છે. જેમાં રાવલપિંડી જીએચક્યુ પરના હુમલાના સંબંધમાં 76 શંકાસ્પદોનો સમાવેશ થાય છે. આર્થિક સંકટનો સામનો કરી રહેલા પાકિસ્તાનને આ પ્રદર્શનોએ ભારે નુકસાન પહોંચાડ્યું છે. આ પ્રદર્શનોમાં 25 કરોડ રૂપિયાની ખાનગી અને જાહેર મિલકતો નષ્ટ થઇ ગઇ છે. રાવલપિંડી પોલીસના અહેવાલ મુજબ સશસ્ત્ર બદમાશોએ ડીપીઓ ઔદ્યોગિક વિસ્તારમાં ભારે હંગામો મચાવ્યો હતો. દેશમાં ત્રણ દિવસની હિંસામાં રામના, તરનોલ અને સાંગજાની પોલીસ સ્ટેશનમાં પણ ગોળીબાર થયો હતો.

વિરોધીઓની સંપત્તી જપ્ત કરવાની કાર્યવાહી
અહેવાલમાં કહેવાયું છે કે, વિરોધીઓએ 12 વાહનો અને 34 મોટરસાઈકલને આગ ચાંપી દીધી હતી. જ્યારે એક SMG રાઈફલ, એક 12 બોરની રાઈફલ, 42 એન્ટી રાઈટ કીટ અને ત્રણ વાયરલેસ બદમાશો છીનવીને જતા રહ્યા હતા. પોલીસે અત્યાર સુધીમાં હિંસા અંગે 26 કેસ નોંધ્યા છે. પોલીસે અત્યાર સુધીમાં 564 શકમંદોની ધરપકડ કરી છે. જ્યારે 26 કેસ નોંધાયા છે. ધરપકડ કરાયેલા 564 લોકોમાંથી 552 લોકોના નામ FIRમાં છે. દેખાવકારોની હિંસા વિરોધીઓએ સરકારી અને ખાનગી વાહનોમાં તોડફોડ કરી હતી. કુલ 12 વાહનો અને 34 મોટરસાઈકલને નુકસાન થયું હતું.

હિંસામાં અનેક લોકો ઘાયલ થયા
હિંસામાં 82 લોકો ઘાયલ થયા છે. જેમાં એક એસપી, બે એએસપી અને 11 એફસી અધિકારીઓનો સમાવેશ થાય છે. પોલીસ અધિક્ષક ડૉ. અકબર નાસિર ખાનનું કહેવું છે કે આ રમખાણોમાં સામેલ લોકોના સીસીટીવી વીડિયો દ્વારા ઓળખ કરવામાં આવી રહી છે. બદમાશોની ઓળખ માટે દરોડા પાડવામાં આવી રહ્યા છે. ઈસ્લામાબાદ પોલીસે પણ લોકોને પોલીસને સહકાર આપવાનું આહ્વાન કર્યું છે. GHQ હુમલાના શકમંદો કસ્ટડીમાં રાવલપિંડીમાં પોલીસે 76 શકમંદો સહિત 264 શકમંદોની ધરપકડ કરી છે. અટકાયત કરાયેલા શકમંદોની ઓળખ અહેસાન, અબ્દુલ્લા, ઈદ્રીસ, વકાસ, અયાઝ, કમરુઝ ઝમાન, ઉમર, અલી હુસૈન, ફરહાદુલ્લા, ઈસ્મત, અબુ બકર, સજ્જાદ મુનીર, નબીલ, સદાકત, નુમાન, અમીર શાહિદ, ફરહાદ, શહરયાર, લાલ શાહ તરીકે થઈ છે.

કયા કેસમાં ઈમરાનની ધરપકડ થઈ?
પાકિસ્તાનના ભૂતપૂર્વ વડાપ્રધાન અને પાકિસ્તાન તહરીક-એ-ઈન્સાફ (PTI)ના વડા ઈમરાન ખાનની મંગળવારે અલ કાદિર ટ્રસ્ટ કેસમાં ધરપકડ કરવામાં આવી હતી. નેશનલ એકાઉન્ટેબિલિટી બ્યુરો (NAB) અને પાક રેન્જર્સ દ્વારા ઈસ્લામાબાદ હાઈકોર્ટની બહારથી તેની ધરપકડ કરવામાં આવી હતી, ત્યારબાદ દેશભરમાં હોબાળો થયો હતો. તેને છોડી દેવામાં આવ્યો છે, પરંતુ હજુ પણ પીટીઆઈ સમર્થકો અને પોલીસ વચ્ચે ઘર્ષણના અહેવાલો સામે આવી રહ્યા છે. પાકિસ્તાનના ઘણા મોટા શહેરોમાં ઈમરાન ખાનના સમર્થકો મોટી સંખ્યામાં રસ્તાઓ પર વિરોધ પ્રદર્શન કરી રહ્યા છે. ધરપકડથી સરકાર સામે ગુસ્સો વ્યકત થવો જોઈતો હતો, પરંતુ પીટીઆઈના સમર્થકોએ તેનાથી વિપરીત સેના પર નિશાન સાધવાનું શરૂ કર્યું છે. વિરોધીઓએ લશ્કરી સ્થાપનો, તેમની ઓફિસો અને ઘરો પર હુમલો કરવાનું શરૂ કર્યું.