ભૂપેન્દ્ર પટેલની કેબિનેટના એકમાત્ર મહિલા મંત્રી કોણ છે? જાણો ત્રિપાંખિયા જંગની સફર વિશે…

કેબિનેટ મંત્રીમંડળમાં ભાનુબેનનો સમાવેશ..
આજે શપથ ગ્રહણમાં મુખ્યમંત્રી ભૂપેન્દ્ર પટેલ સહિત મંત્રી મંડળે શપથ લીધા છે. તેવામાં જોવા જઈએ તો આમા એક માત્ર મહિલા પ્રધાન ભાનુબેન બાબરિયાની પસંદગી કરવામાં આવી છે. નોંધનીય છે કે ભાનુબેન રાજકોટ ગ્રામ્યના ધારાસભ્ય છે અને રાજકોટ જિલ્લાની વાત કરીએ તો અહીંથી 8માથી એક માત્ર ધારાસભ્યનો અહીં સમાવેશ કરાયો છે. ભાનુબેન બાબરિયાએ એકમાત્ર મહિલા કેબિનેટ મંત્રી તરીકે શપથ ગ્રહણ કર્યા છે.

ભાનુબેનનું ચૂંટણીમાં પ્રદર્શન
નોંધનીય છે કે આ ગુજરાતની વિધાનસભા ચૂંટણીમાં ત્રિપાંખીયો જંગ જોવા મળ્યો હતો. ત્યારે ભાનુબેને પણ રાજકોટ ગ્રામ્ય બેઠક પરથી ચૂંટણી લડી હતી. અહીં તેમની સાથે આમ આદમી પાર્ટીના દિગ્ગજ નેતા વશરામ સાગઠીયા હતા. અનુમાન લગાવાઈ રહ્યું હતું કે આ બેઠક પર ભાજપ, કોંગ્રેસ અને AAP વચ્ચે કાંટાની ટક્કર થશે. જોકે ભાજપના ભાનુબેન બાબરીયાએ જંગી લીડ સાથે આ બેઠક કબજે કરી લીધી હતી.

રાજકોટ ગ્રામ્ય બેઠકમાં પ્રચંડ જીત..
ભાનુબેન રાજકારણમાં ઘણા એક્ટિવ છે. તેમણે અગાઉ ઘણા જનતાને સેવાલક્ષી કામ કર્યા છે. આની સાથે જ તેમની સામે કોઈ મોટા ભ્રષ્ટાચારના કેસો પણ થયા નથી. તેમની છબી ક્લીન છે. તથા જનતાની સતત સેવા કરતા આવ્યા હોવાથી અને મહિલા તરીકે તેમને આ બેઠક પરથી ટિકિટ માટે પ્રબળ દાવેદાર પણ માનવામાં આવતા હતા. તેમણે સારા મતોની લીડ સાથે રાજકોટ ગ્રામ્ય બેઠક પણ કબજે કરી હતી.