સુરેન્દ્રનગરમાં પોલસી અધિકારીઓ માટે બેલેટ પેપર દ્વારા મતદાન શરૂ, 3400થી વધુ જવાનો મત આપશે

પોલીસ અધિકારીઓ માટે મતદાન શરૂ
સુરેન્દ્રનગરની વિધાનસભા બેઠકો માટે પોલીસ અધિકારીઓ અને પોલીસ કર્મચારીઓ માટે બેલેટ પેપર દ્વારા મતદાન શરૂ કરી દેવામાં આવ્યું છે. આ વિધાનસભા બેઠકો પર યોજાઈ રહેલી ચૂંટણીમાં ફરજ પર રહેલા પોલીસ અધિકારીઓ, પોલીસ કર્મચારીઓ, હોમગાર્ડ જવાનો, જીઆરડી જવાનો માટે આજથી 2 દિવસ મતદાન શરૂ કરી દેવાયું છે. આ તમામ લોકો મતદાનથી વંચિત ન રહી જાય એના માટે વ્યવસ્થા કરવામાં આવી છે.

3400થી વધુ પોલીસ કર્મચારીઓ મતદાન કરશે
આ તમામ વિધાનસભા બેઠકમાં અંદાજે 3400થી વધુ પોલીસ કર્મચારીઓ 2 દિવસમાં મતદાન કરશે. જેમાં હોમગાર્ડ, જીઆરડી જવાનો સહિત પોલીસ અધિકારીઓ માટે પોસ્ટલ બેલેટથી મતદાન કરવાની વ્યવસ્થા કરવામાં આવી છે.

With Inputs: Sajid Belim