વિપુલ ચૌધરી ઉત્તર ગુજરાતમાં ભાજપને ભારે પડશે? BJP નેતાઓના પ્રવેશ પર પ્રતિબંધ

સદ્ભાવના યજ્ઞનું ચૌધરી સમાજ દ્વારા ભવ્ય આયોજન
વિપુલ ચૌધરીના સમર્થનમાં બાસણા અર્બુદા ધાન ખાતે સદ્ભાવના યજ્ઞ તેમજ મહાસંમેલન યોજાશે. જેમાં ખુબ જ મોટી સંખ્યામાં ચૌધરી સમાજ હાજર રહેશે અને પોતાનું શક્તિપ્રદર્શન પણ કરશે. ભાજપના કોઇ પણ મંત્રીએ અમારા નેતા ન છુટે ત્યાં સુધી ગામમાં પ્રવેશ કરવો નહી. તેમ છતા ગામમાં આવે તો જવાબદારી સંપુર્ણ તેમની રહેશે. તેમની સાથે જે કાંઇ પણ થાય તેના માટે ગામ જવાબદાર રહેશે નહી તે પ્રકારનાં બેનરો લગાવી દેવાયા છે.

વિપુલ ચૌધરીને ચૂંટણીના કારણે ભાજપે જેલમાં પૂર્યા ખોટા કેસમાં ફસાવ્યા
આ અંગે ચૌધરી સમાજના અગ્રણીઓનો દાવો છે કે, અમારા વિપુલભાઇનો કોઇ વાંક ગુનો નથી તેમને ખોટાકેસમાં સંડોવવામાં આવી રહ્યા છે. ખોટી રીતે ચૂંટણી આવી રહી છે માટે જેલમાં પુર્યા છે. અમારા કોઇ પણ ભાજપનો આગેવાન કે નેતા આવે તો અમારા ચૌધરી સમાજના ગામોમાં પ્રવેશવા દેવામાં નહી આવે. જ્યાં સુધી વિપુલ ચૌધરીને છોડવામાં નહી આવે ત્યાં સુધી અમે લડતા રહીશું અને અમારા આગેવાનને છોડાવીને જ રહીશું.