રાજસ્થાનમાં મોટી ટ્રેન દુર્ઘટના, સૂર્યનગરી એક્સપ્રેસ ટ્રેનના 8 ડબ્બા પાટા પરથી ઉતર્યા, અનેક પેસેન્જરો ઘાયલ

જયપુર: બાંદ્રાથી જોધપુર જતી સૂર્યનગરી એક્સપ્રેસ ટ્રેનના આઠ ડબ્બા પાટા પરથી ઉતરી ગયા છે. આ દુર્ઘટના પાલીના રાજકિયાવાસ પાસે બની. રિપોર્ટ્સ મુજબ દુર્ઘટનામાં 10 જેટલા લોકોને ઈજા પહોંચી છે, જોકે હજુ સુધી કોઈના મૃત્યુની માહિતી મળી નથી. ઉત્તર પ્રશ્ચિમ રેલવેના સીપીઆરઓએ જણાવ્યું કે, દુર્ઘટનાની જાણકારી ઉચ્ચ અધિકારીઓને આપવામાં આવી છે. તેઓ જલ્દી જ સ્થળ પર પહોંચી જશે. હાલમાં રેસક્યૂ ટીમ સ્થળ પર પહોંચી ગઈ છે. ઈજાગ્રસ્ત લોકોને સારવાર માટે મોકલી દેવામાં આવ્યા છે.