નોટબંધી કરવાનો નિર્ણય યોગ્ય હતો, સુપ્રીમ કોર્ટે કેન્દ્ર સરકારના નિર્ણય પર મહોર મારી

RBI અને કેન્દ્ર વચ્ચે નોટબંધી પહેલા ચર્ચા-વિચારણા થઈ હતી
જસ્ટિસ ગવઈએ કહ્યું કે, અરજીઓમાં 9 મુદ્દા ઉઠાવવામાં આવ્યા છે, 6 મુદ્દા પર સુપ્રીમ કોર્ટે ધ્યાન આપ્યું છે. સુપ્રીમ કોર્ટે કહ્યું કે, નોટબંધી પહેલા કેન્દ્ર અને RBI વચ્ચે ચર્ચા-વિચારણા થઈ હતી. સુપ્રીમ કોર્ટે માન્યું કે નોટબંધીનો નિર્ણય લેતા સમયે અપનાવાયેલી પ્રક્રિયામાં કોઈ ખામી નહોતી. આથી આ અધિસૂચનાને રદ કરવાની કોઈ જરૂર નથી.

ન્યાયમૂર્તિ અબ્દુલ નજીરની અધ્યક્ષતાવાળી 5 જજોને સંવેધાનિક બેન્ચે પાંચ દિવસની ચર્ચા બાદ 7 ડિસેમ્બરે પોતાનો ચૂકાદો સુરક્ષિત રાખી દીધો હતો. ન્યાયમૂર્તિ નજીર પોતાના નિવૃત્તિના બે દિવસ પહેલા નોટબંધી પર ચૂકાદો આપશે. આ બેન્ચમાં ન્યાયમૂર્તિ અબ્દુલ નઝીર, ન્યાયમૂર્તિ બી.આર ગવઈ, ન્યાયમૂર્તિ એ.એસ બોપન્ના, ન્યાયમૂર્તિ વી. રામાસુબ્રમણ્યમ અને ન્યાયમૂર્તિ બી.વી નાગરત્ના સામેલ છે.

અરજીકર્તાઓએ કોર્ટમાં પોતાની દલીલો મૂકી

• સરકાર દ્વારા અપનાવાયેલી પ્રક્રિયામાં મોટી ખામીઓ હતી અને તેને રદ કરી દેવી જોઈએ.
• આ પ્રક્રિયાએ દેશના કાયદાના શાનનો મજાક બનાવી દીધો.
• માત્ર RBIના કેન્દ્રીય બોર્ડની ભલામણ પર જ સરકાર નોટબંધી કરી શકે છે, પરંતુ અહી પ્રક્રિયાને ઉલટાવી દેવાઈ.
• કેન્દ્રએ નિર્ણય લેતા દરમિયાન મહત્વપૂર્ણ દસ્તાવેને અટકાવી દીધા, જેમાં સરકાર દ્વારા RBIને 7 નવેમ્બરે પત્ર લખવામાં આવ્યો અને RBI બોર્ડની બેઠકની મિનિટ્સ સામેલ છે.

કેન્દ્રએ કોર્ટેમાં મૂકેલા તર્ક

• નોકલી નોટો, મોટા પ્રમાણમાં કાળું નાણુ અને આતંકવાદી પ્રવૃત્તિઓ સામે લડવા નોટબંધી એક મહત્વપૂર્ણ પગલું હતું.
• નોટબંધીને અન્ય તમામ આર્થિક નીતિગક ઉપાયોથી અલગ ન જોવી જોઈએ અને તેની તપાસ ન કરવી જોઈએ.
• આર્થિક વ્યવસ્થાને પહોંચેલા મોટા લાભ અને લોકોને એક વાર થયેલી તકલીફની તુલના ન કરી શકાય.
• નોટબંધીએ નકલી કરન્સી સિસ્ટમને ઘણી હદ સુધી બહાર કરી નાખી.
• નોટબંધીથી ડિજિટલ અર્થવ્યવસ્થાને લાભ પહોંચ્યો છે.

RBIએ શું તર્ક આપ્યા?

• કેન્દ્રને ભલામણ કરવા માટે RBI અધિનિયમ અંતર્ગત પ્રક્રિયાનું પાલન કરવામાં આવ્યું
• RBIની કેન્દ્રિય બોર્ડની બેઠકમાં નિર્ધારિત કોરમને પૂર્ણ કરવામાં આવ્યું, જેણે ભલામણ કરવા પર નિર્ણય લીધો હતો.
• લોકોને ઘણી તકો આપવામાં આવી, પૈસા બદલવા માટે મોટા સ્તર પર વ્યવસ્થા કરવામાં આવી હતી.