LIVE સ્પીચમાં પાટીલને ફરી એકવાર કોનો ફોન આવ્યો? નવા જૂનીનાં એંધાણની અટકળો!

C.R.પાટીલને સભા દરમિયાન ફરી એકવાર ફોન આવ્યો
ઓલપાડમાં ભારત માતાની જયના સાથે સી.આર.પાટીલે સભાનું સંબોધન શરૂ કર્યું હતું. આ દરમિયાન સી.આર.પાટીલ જ્યારે સંબોધન કરી રહ્યા હતા ત્યારે તેમને એક ફોન કોલ આવ્યો હતો. નોંધનીય છે કે રિપોર્ટ્સ પ્રમાણે એક કાર્યકર્તા તેમના ચાલુ સંબોધને ફોન બતાવવા આવ્યો હતો. પરંતુ કોનો કોલ હતો એની સ્પષ્ટતા થઈ શકી નથી.

અગાઉ પાટીલને ફોન આવ્યો અને મોટા ફેરફારો થયા
સી.આર પાટીલથી માંડીને અધિકારીઓ સુધીએ આ અંગે ફરિયાદ કરી હતી. જેના કારણે આખરે મોડી રાત્રે પાટીલ સહિત પદાધિકારીઓ સાથે ચર્ચા કર્યા બાદ અમિત શાહે અહેવાલ PM મોદીને મોકલ્યો અને બપોરે ચાલુ સભામાં સી.આર પાટીલને ફોન આવ્યો. પાટીલને વિભાગો છીનવી લેવા માટે કહેવામાં આવ્યું. વડાપ્રધાન મોદીનો સીધો જ ફોન આવવાના કારણે પાટીલે પોતાની સભાનું સંબોધન વચ્ચેથી અટકાવીને વાત કરી હતી.

ત્યારપછી તેઓના હાવભાવ જ ઘણુ કહી આપતા હતા. પાટીલ આ સભા પુર્ણ કર્યા બાદ કાર્યવાહી આરંભી અને ત્રિવેદી પાસેથી મહેસુલ અને કાયદા મંત્રાલય છીનવી લેવા માટેનો તખ્તો તૈયાર થઇ ગયો હતો. કાલે અધિકારીક જાહેરાત થાય તે પહેલા જ આ સમાચાર આજે જ લીક થઇ ગયા હતા. જો કે હાલ આ તમામ સમાચાર સુત્રોના હવાલાથી જ હવામાં તરી રહ્યા છે. આ અંગે હજી સુધી કોઇ અધિકારીક રીતે કાંઇ પણ બોલવા પણ તૈયાર નથી કે કોઇ નોટિફિકેશન પણ આવ્યું નથી. તેવામાં કાલે નોટિફિકેશન આવે તેવી શક્યતાઓ વ્યક્ત કરવામાં આવી રહી છે.