RCBvsCSK IPL 2023: મેક્સવેલ-ડુપ્લેસિસની તોફાની બેટિંગ પાણીમાં ગઇ, રોમાંચક મેચમાં CSK નો વિજય

RCB પાંચમાંથી બે મેચ જીતીને સાતમા નંબર પર યથાવત્ત છે. પોઇન્ટ ટેબલમાં પહેલી નંબર પર રાજસ્થાન રોયલ્સ છે. જેણે પાંચમાંથી ચાર મેચમાં જીત પ્રાપ્ત કરી હતી. મોટા ટાર્ગેટનો પીછો કરતા આરસીબીની શરૂઆત ખરાબ રહી હતી. તેણે પહેલી જ ઓવરમાં વિરાટ કોહલીની વિકેટ ગુમાવી દીધી હતી. કોહલી 6 રન બનાવીને આકાશ સિંહના બોલ પર બોલ્ડ થઇ ગયો હતો. ત્યાર બાદ ઝડપથી સીએસકેને બીજી ઓવરમાં બીજી સફળતા મળી હતી. મહિપાલ લોમરોર રન બનાવ્યા વગર જ ફાસ્ટ બોલર તુષાર દેશપાંડેના બોલ પર કેચ આઉટ થઇ ગયા હતા.

15 રન પર બે વિકેટ ગુમાવ્યા ગ્લેન મેક્સવેલ અને ફાક ડુ પ્લેસિસે જબરજસ્ત બેટિંગ કરીને ચિન્નાસ્વામી સ્ટેડિયમમાં હાજર હજારો ફેન્સને ખુશીથી ઝુમી ઉઠવા પર મજબુર કરી દીધા હતા. મેક્સવેલ અને ડુ પ્લેસિસની વચ્ચે 61 બોલમાં 126 રનની ભાગીદારી થઇ હતી. મહીષ તીક્ષ્ણાએ મેક્સવેલની વિકેટની પાછળ એમ.એસ ધોનીના હાથે કેચઆઉટ કરીને પાર્ટનરશીપને તોડી હતી. મેક્સવેલે માત્ર 36 બોલમાં 76 રન બનાવ્યા હતા. જેમાં ત્રણ ચોગ્ગા અને 8 છગ્ગા ફટકાર્યા હતા. 14 મી ઓવરમાં મોઇ અલીના અંતિમ બોલ પર ફાક ડુ પ્લેસિસ પણ આઉટ થયો હતો. ડુ પ્લેસિસે 33 બોલમાં 62 રન બનાવ્યા હતા. જેમાં પાંચ ચોગ્ગા અને 4 છગ્ગાનો સમાવેશ થયો હતો. ડુ પ્લેસિસના આઉટ થતા સમયે આરસીબીનો સ્કોર 14 ઓવરમાં ચાર વિકેટમાં 159 રન હતો.

ત્યાર બાદ RCB એ મોમેન્ટ ગુમાવી દીધી
અહીંથી આરસીબીને 68 રનની જરૂર હતી અને 6 ઓવર્સનો ખેલ બાકી હતો, જો કે દિનેશ કાર્તિક અને શહબાઝ અહેમદના છેલ્લી ઘડીએ આઉટ થવા આરસીબીને ભારે પડ્યો. કાર્કિક 28 રન બનાવીને તુષાર દેશપાંડેના બોલ પરલપક્યા હતા. શાહબાઝ અહેમદ મથીશા પથિરાનાએ આઉટ કર્યો. મેચના અંતિમ ઓવરમાં આરસીબીને 19 રનની જરૂર હતી. જો કે પથિરાનાએ માત્ર 10 રનઆપ્યા અને સીએસકેએ મેચ જીતી લીધી. સીએસકે માટે તુષાર પાંડે સૌથી સફળ બોલર સાબિત થયો હતો.