માલધારી અંગે કરેલી ટિપ્પણી બાદ કથાકાર રમેશભાઈ વિવાદોમાં; માફી માગવી પડવી

જાણો શું છે સમગ્ર મામલો?
જાણીતા કથાકાર રમેશભાઈ ઓઝાએ વ્યાસ પીઠ પરથી માલધારીઓને ટકોર કરી હતી. તેમણે કહ્યું હતું કે અત્યારે શેરીએ શેરીએ ગૌશાળા ખુલી ગઈ હોય એમ લાગી રહ્યું છે. ગાયોને આમ રઝળતી ન મૂકી દેવાય, ગૌસેવા નહીં કરો તો પાપ લાગશે. જેના પરિણામે માલધારી મહાપંચાયતના આગેવાન નાગજીભાઈએ તેમના પર આકરા પ્રહારો કર્યા છે. તેમણે કહ્યું કે ધાર્મિક સંતો પાસેથી આ પ્રમાણેનું નિવેદન સાંભળવું દુર્ભાગ્યપૂર્ણ છે.

રમેશભાઈ ઓઝાએ માફી માગી
જોકે આ વિવાદ વેગ પકડે એની પહેલા જ રમેશભાઈ ઓઝાએ માલધારી સમાજની વ્યાસપીઠ પરથી માફી માગી લીધી હતી. તેમણે કહ્યું કે મારો ઉદ્દેશ્ય માલધારી સમાજને ટાર્ગેટ કરવાનો નહોતો. આમા મારી ભૂલ છે. હું માફી માગુ છું કે મારે આ સમયે પશુપાલકો એવો શબ્દ પ્રયોગ કરવો જોઈતો હતો. નોંધનીય છે કે આ દરમિયાન તેમણે વ્યાસપીઠ પરથી માલધારી સમાજની પ્રશંસા પણ કરી હતી.