રાજકોટ-અમદાવાદ હાઇવે ફરી કાળમુખો થયો સાબિત, ડમ્પર- ઇકો કારના અકસ્માતમાં 2ના ઘટના સ્થળે મોત

દિવસ રાત ધમધમતો રાજકોટ અમદાવાદ હાઇવે ફરી એકવખત કાળમુખો સાબિત થયો છે. માર્ગ અકસ્માત માં 2 લોકોન અમૃત્યુ થયા છે.  રાજકોટ અમદાવાદ હાઈવે પર આવેલા માલીયાસણ ગામ નજીક ટ્રક નંબર – GJ 03 VW 0335 અને ઇકો કાર નંબર -GJ 03 KC 2269 વચ્ચે અકસ્માત સર્જાયો છે. રાજકોટથી અમદાવાદ જતા રસ્તા તરફ ટ્રક પાછળ ઇકો કાર ઘૂસી જતા આ ગમખ્વાર અકસ્માત સર્જાયો છે. જેમાં બે લોકોના ઘટના સ્થળે જ મોત નિપજ્યા છે. જ્યારે 8 જેટલા લોકો ઇજાગ્રસ્ત થયા છે.

3 લોકોની હાલત ગંભીર
રાજકોટ અમદાવાદ હાઇવે પરનો આ અકસ્માત એટલો ગોઝારો હતો કે ડમ્પરનો પાછળનો ભાગ બેથી ત્રણ ફૂટ સુધી ઇકો કારને ચીરીને અંદર ઘુસી ગયો હતો.  ઘટના ની જાણ  કુવાડવા પોલીસને મળતા જ પોલીસની ટીમ અને 108ની ટીમ ધટના સ્થળે પહોંચી ગઈ હતી.  ઇજાગ્રસ્તોને સારવાર અર્થે હોસ્પિટલ ખસેડવામાં આવ્યા હતા. ઈકો કારમાં 10 લોકો સવાર હતા જેમા બે ના ઘટના સ્થળે જ મોત થયા હતા જ્યારે 3 લોકોની હાલત ગંભીર છે.