Road Accident: બિકાનેર હાઈવે પર ભયાનક અકસ્માત, ભુજના એક જ પરિવાર 5 સભ્યોના કરુણ મોત

ટ્રક અને સ્કોર્પિયો વચ્ચે ભયાનક અકસ્માત

ઘટનાની માહિતી મળતાં જ પોલીસ અધિક્ષક તેજસ્વિની ગૌતમ ઘટનાસ્થળે પહોંચી ગયા હતા. તેમણે જણાવ્યું કે, ટ્રક અને સ્કોર્પિયો વચ્ચેની અથડામણમાં 5 લોકોના મોત થયા છે. મૃતકોના મૃતદેહને નોખાની જિલ્લા હોસ્પિટલમાં રાખવામાં આવ્યા છે. ટક્કર એટલી જોરદાર હતી કે સ્કોર્પિયોના ગાડીના ફુરચે-ફુરચા ઉડી ગયા હતા. 

#WATCH | Bikaner, Rajasthan: Five people have died as car collides with truck on Bharatmala Expressway. The deceased including two women, two men and a girl are said to be from Gujarat: SP Tejashwani Gautam pic.twitter.com/d7913DwNqP

— ANI MP/CG/Rajasthan (@ANI_MP_CG_RJ) February 16, 2024

18 મહિનાની બાળકી સહિત 5ના મોત

મૃતકોની ઓળખ ગુજરાતના ડૉ. પ્રતિક, તેમના પત્ની હેતલ, કોમ્યુનિટી હેલ્થ ઓફિસર ડોક્ટર પૂજા, તેમના પતિ અને તેમની 18 મહિનાની પુત્રી તરીકે થઈ છે. અકસ્માત એટલો ભયાનક હતો કે પાંચેય લોકોના ઘટનાસ્થળે જ મોત થયા હતા. ઘટના અંગે મૃતકના પરિજનોને જાણ કરવામાં આવી છે. આ લોકો ક્યાંથી આવી રહ્યા હતા અને ક્યાં જઈ રહ્યા હતા તે હજુ સ્પષ્ટ થયું નથી. અકસ્માત બાદ નેશનલ એક્સપ્રેસ હાઈવે પર વાહનોનો જામ થઈ ગયો હતો.