PM મોદી કારગિલ પહોંચ્યા, સતત 9માં વર્ષે જવાનો સાથે દિવાળીની ઉજવણી કરશે

કેદારનાથ-બદ્રીનાથના દર્શન કર્યા
આ પહેલા પીએમ મોદી દિવાળીના તહેવાર પર અલગ-અલહ જગ્યાઓ પર જઈ રહ્યા છે. સૌથી પહેલા 21મી ઓક્ટોબરે તેમણે બાબા કેદારનાથ અને બદ્રીનાથના દર્શન કર્યા. આ બાદ 23 ઓક્ટોબરે અયોધ્યામાં દીપોત્સવમાં સામેલ થયા, સાથે જ અયોધ્યા પહોંચીને તેમણે રામલલા વિરાજમાનના પણ દર્શન કર્યા હતા.

Prime Minister Shri @narendramodi has landed in Kargil, where he will celebrate Diwali with our brave soldiers. pic.twitter.com/RQxanDEgDK

— PMO India (@PMOIndia) October 24, 2022

મોદી PM બન્યા ત્યારથી દર વર્ષે ક્યાં-ક્યાં દિવાળીની ઉજવણી કરી?

• વર્ષ 2021માં તેમણે જમ્મુ કશ્મીરના રાજૌરીમાં સૈનિકો સાથે દિવાળીની ઉજવણી કરી હતી.
• વર્ષ 2020માં રાજસ્થાન બોર્ડર પર લોંગેવાલા ચોકી પર જવાનો સાથે દિવાળીની ઉજવણી કરી હતી.
• વર્ષ 2019માં તેમણે LOC પર સૈનિકો સાથે દિવાળીની ઉજવણી માટે જમ્મુ-કાશ્મીરના રાજૌરી જિલ્લાની મુલાકાત લીધી હતી.
• વર્ષ 2018માં ઉત્તરાખંડના હર્ષિલમાં આર્મી અને ITBPના જવાનો સાથે દિવાળીની ઉજવણી કરી હતી.
• વર્ષ 2017માં તત્કાલીન આર્મી ચીફ જનરલ બિપિન રાવત સાથે જમ્મ-કાશ્મીરમાં બાંદીપુરા જિલ્લામાં નિયંત્રણ રેખાની મુલાકાત લઈને જવાનોને મિઠાઈ ખવડાવી હતી. તેમણે ગુરેઝ સેક્ટરમાં 15 કોર્પ્સના જવાનો સાથે દિવાળી ઉજવી હતી.
• વર્ષ 2016માં હિમાચલ પ્રદેશના કિન્નૌર જિલ્લાની મુલાકાત લીધી હતી અને ઈન્ડો-તિબેટિયન બોર્ડર પોલીસ, ઈન્ડિયન આર્મી અને ડોગરા સ્કાઉન્ટ્સના જવાનો સાથે આ ઉજવણી કરી હતી.
• વર્ષ 2015માં ભારત-પાક બોર્ડરની મુલાકાત લીધી હતી.
• વર્ષ 2014માં સિયાચીનમાં સેનાના જવાનો સાથે દિવાળીની ઉજવણી કરી હતી.