Exclusive: કેવડિયા આવશે UN મહાસચિવ-PM મોદી, VVIP કાર્યક્રમમાં પહેલીવાર ચિનુક હેલિકોપ્ટર ઉપયોગ

120 દેશના રાજદૂતો કેવડિયા આવશે
LiFE ઈવેન્ટ પહેલા, ભારતીય રાજદૂતો અને હાઈ કમિશનરો પણ વાર્ષિક હેડ ઓફ મિશન (HoM) કોન્ફરન્સ માટે કેવડિયામાં થાય તેવી શક્યતાઓ છે. 19-22 ઓક્ટોબરના રોજ કેવડિયા કોન્ફરન્સમાં ઓછામાં ઓછા વિદેશમાં સ્થાયી ભારતના 120 રાજદૂતો ભાગ લેશે. અને વિદેશ મંત્રી ડૉ. જયશંકર 17 ઓક્ટોબરથી ગુજરાતમાં આવી ગયા છે અને કેવડિયા જતા પહેલા ગાંધીનગરમાં આયોજિત ડિફેન્સ એક્સપોના ઉદ્ઘાટનમાં હાજરી આપશે.

વીવીઆઈપી કાર્યક્રમને પગલે કેવડિયામાં ચિનુક હેલિકોપ્ટર ઉતર્યા
ઉલ્લેખનીય કે કેવડિયા ખાતે ભારતના વિદેશમાં આવેલા 100થી વધુ રાજદૂતો આવનારા છે ત્યારે આટલી મોટી સંખ્યામાં વી.વી.આઈ.પી ને લાવવામાં હોય તો તેઓને લાવવા માટે સૌથી ઝડપી અને વધુ સંખ્યામાં લોકોને લાવી શકે તેવા ઇન્ડિયન એરફોર્સના ચિનુક હેલિકોપ્ટરની મદદ લેવાઈ તેવી શક્યતાઓ છે. કારણકે ચિનુક હેલિકોપ્ટરનું ઉતરાણ કરાવી ઇન્ડિન એરફોર્સ દ્વારા અનેક વખત કેવડિયા હેલિપેડ પર રિહર્સલ કરાયું હતું. 3 દિવસ વીવીઆઈપી કાર્યક્રમને પગલે ટુરિસ્ટે પણ સ્ટેચ્યૂ ઓફ યુનિટીએ જતા પહેલા ખાસ વિચારવું.

ચિનુક હેલિકોપ્ટરની વિશેષતા
ચિનુક હેલિકોપ્ટરની જો વાત કરીએ વજન ઉઠાવવા માટે ખૂબ મહત્વપૂર્ણ છે અને સાથે સાથે તેની સ્પીડ 310 કિલોમીટરની હોય છે અને દુનિયાના સૌથી ફાસ્ટ હેલિકોપ્ટર છે. ભારતીય વાયુસેનામાં તેનો ઉપયોગ થાય છે ખાસ કરીને જે દુર્ગમ વિસ્તારની અંદર કોઈ ઓપરેશન ચલાવવું હોય તેની અંદર ઉપયોગ થાય છે. લદાખ અને સિયાચીનમાં પણ તેનો ઉપયોગ થયો હતો. વાયુસેના માટે આ હેલિકોપ્ટ ખૂબ મહત્વપૂર્ણ છે કારણ કે તે ભારે વજન ઉતારવા માટે તેનો ઉપયોગ થાય છે. તેમાં બે રોટર હોય છે જેના કારણે તે ખૂબ જ ઝડપથી ઊડી શકે છે ખૂબ તાકાતવાર હેલિકોપ્ટર છે.

ઉલ્લેખનીય છે કે સરદાર પટેલની જન્મ જ્યંતી 31 ઓક્ટોબરે આવી રહી છે. એવામાં સરદાર પટેલના જન્મદિવસને રાષ્ટ્રીય એકતા દિવસના ભાગરૂપે 25-31 ઓક્ટોબર સુધી, સરકાર સ્વાસ્થ્ય અને પર્યાવરણના મુદ્દાઓને પણ ઉજાગર કરવા માટે દેશના તમામ 750 જિલ્લાઓમાં “યુનિટી માર્ચ શરૂ કરશે.