VIDEO: લાકડી લઈને મારવા આવેલા વૃદ્ધ પર આખલો ભડક્યો, એવા ફંગોળ્યા કે મોતને ભેટ્યા

જુઓ વાઈરલ વીડિયો..

ગોંડલમાં રખડતા ઢોરે વધુ એકનો ભોગ લીધો, આખલાએ ફંગોળતા વૃદ્ધનું મોત #Rajkot #cattle pic.twitter.com/zNO6AN9JJy

— Gujarat Tak (@GujaratTak) September 8, 2022

ગોંડલની સોસાયટીમાં બની ઘટના
30 સેકન્ડથી ઓછા સમયમાં વૃદ્ધ કાકાનો રખડતા ઢોરે જીવ લીધો હોવાની ચોંકાવનારી ઘટના સામે આવી છે. ગોંડલના દરબારગઢમાં યુનિવર્સિટી રોડ પાસે જલારામ-3માં આ ઘટના બની હતી. જેમાં એક રખડતા ઢોરને મારવા માટે વૃદ્ધ કાકા લાકડી લઈને બહાર આવ્યા હતા. જોકે ઢોર આનાથી રોષે ભરાયો અને કાકાની પાછળ પડી તેમને શિંગડે ચડાવ્યા હતા.

વૃદ્ધને 4 ફૂટ ઉપર ઉછાળ્યા, સારવાર દરમિયાન મોત
રખડતો ઢોર એટલો રોષે ભરાયો હતો કે તેણે કાકાને શિંગડાથી એવા ઉછાળ્યા કે વૃદ્ધ 4 ફૂટ ઉપરથી નીચે પટકાયા હતા. આ દરમિયાન માત્ર 30 સેકન્ડમાં તો વૃદ્ધ કાકા જીવન અને મરણ વચ્ચે ઝોલા ખાતા થઈ ગયા હતા. આ ગંભીર ઘટનાને જોતા આસપાસના લોકોએ બૂમો પાડી અને કાકાને બચાવવા અપીલ કરી હતી. ત્યારપછી એક સ્થાનિક તેમની પાસે આવ્યો પરંતુ આ સમયે વૃદ્ધ કાકા બેભાન થઈ ગયા હતા. રિપોર્ટ્સ પ્રમાણે તેમને સારવાર માટે રાજકોટમાં ખસેડાયા હતા, જ્યાં લગભગ 3 દિવસની સારવાર પછી તેમનું મૃત્યુ થયું હતું.