સુરતમાં NRI યુવક સંબંધીની સામે જ સાતમા માળેથી કૂદ્યો, પાંચ દિવસ પહેલા જ પુણેથી આવ્યો હતો

આ પણ વાંચો: ચરોતરમાં પ્રતિ કિલો રિંગણના 1 રૂપિયો મળતા ખેડૂતો નારાજ, પાક ગાયોને ખવડાવવા લાચાર

કાકાના ઘરે આવ્યો હતો યુવક
પ્રાપ્ત વિગતો મુજબ, સુરતના સીટી લાઈટ વિસ્તારમાં આવેલા આર્જન એપાર્ટમેન્ટમાં દીપેશ પંજાબી નામનો NRI યુવક હાલમાં જ પુણેથી સુરત પોતાના કાકાના ઘરે આવ્યો હતો. સોમવારે બપોરના સમયે પરિવારના સભ્યો દીપેશને જમવા માટે કહી રહ્યા હતા. જોકે આ દરમિયાન તે ઉલટી થઈ રહી હોવાનું કહીને ગેલેરી પાસે ગયો હતો અને અહીંથી જ પરિવારના સભ્યોની સામે ગેલેરી પર ચઢી તેણે મોતની છલાંગ લગાવી દીધી.

આપઘાતની ઘટના કેમેરામાં કેદ થઈ ગઈ
યુવકને હોસ્પિટલમાં તબીબી સારવાર મળે તે પહેલા જ તેનું મોત નિપજ્યું હતું. સમગ્ર ઘટની સીસીટીવી કેમેરામાં કેદ થઈ ગઈ હતી. હમચમચાવનારી આ ઘટનાથી સમગ્ર વિસ્તારમાં હડકંપ મચી ગયો હતો. તો પરિવાર પણ શોકમાં ગરકાવ થઈ ગયો હતો. સમગ્ર ઘટનાને લઈને આપઘાત કરવા પાછળનું કારણ જાણવા પોલીસે હાલમાં તો તપાસ શરૂ કરી છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…