US Presidential Election: ભારતીય મૂળના નિક્કી હેલી અમેરિકાની આગામી રાષ્ટ્રપતિ પદની ચૂંટણી લડશે

2024માં રાષ્ટ્રપતિની ચૂંટણી લડવાની જાહેરાત કર્યા બાદ તેઓ રિપબ્લિકનમાંથી દાવેદારી માટે પૂર્વ રાષ્ટ્રપતિ ડોનાલ્ડ ટ્રમ્પ માટે પહેલો મોટો પડકાર બની ગયા છે. તેમણે બે વર્ષ પહેલા કહ્યું હતું કે તેઓ 2024માં વ્હાઈટ હાઉસ માટે પોતાના પૂર્વ બોસ એટલે કે ટ્રમ્પને પડકાર નહીં આપે.

‘આ નવી જનરેશનનો સમય છે’
ભારતીય મૂળના રિપબ્લિકન નેતા નિક્કી હેલીએ અમેરિકામાં 2024માં થનારા રાષ્ટ્રપતિની ચૂંટણીમાં પોતાની દાવેદારી રજૂ કર્યા બાદ આ સ્પષ્ટ થઈ ગયું છે કે તેઓ પૂર્વ રાષ્ટ્રપતિ ડોનાલ્ડ ટ્રમ્પને પડકાર આપશે. તેમણે એક વીડિયો દ્વારા પોતાની દાવેદારી રજૂ કરી હતી. બે વર્ષ પહેલા તેઓ ટ્રમ્પની સામે નહોતા, પરંતુ હવે તેમણે પોતાનો વિચાર બદલી નાખ્યો છે. નિક્કી હેલીના માતા-પિતા અમૃતસરમાં રહે છે.

ફોક્સ ન્યૂઝને આપેલા ઈન્ટરવ્યૂમાં અમેરિકન રિબ્લિકન પાર્ટીના નેતા નિક્કી હેલીને જ્યારે પૂછવામાં આવ્યું કે શું તેઓ 2024ની અમેરિકાની રાષ્ટ્રપતિ પદની ચૂંટણી લડી રહ્યા છે, તેના જવાબમાં તેમણે કહ્યું કે, આ નવી જનરેશનનો સમય છે. આ નવી લીડરશીપનો સમય છે અને આ આપણા દેશને પાછો લેવાનો સમય છે. અમેરિકા લડાઈ માટે તૈયાર છે અને અમે પણ શરૂઆત કરી રહ્યા છીએ.