‘મને માફ કરી દો…’ ફેનને થપ્પડ માર્યા બાદ નાના પાટેકરે બે હાથ જોડી માંગી માફી, કહ્યું- આ ભૂલથી થઈ ગયું

નાના પાટેકરે કરી સ્પષ્ટતા

નાના પાટેકરે સોશિયલ મીડિયા પર એક વીડિયો શેર કરીને આ થપ્પડકાંડ વિશે વાત કરી. નાના પાટેકરે વીડિયોમાં કહ્યું કે- ‘સોશિયલ મીડિયા પર એક વીડિયો વાયરલ થઈ રહ્યો છે, જેમાં મેં એક છોકરાને માર્યો છે. જોકે, આ સિક્વન્સ અમારી ફિલ્મનો ભાગ છે, અમે રિહર્સલ કર્યું હતું. અમે શરૂઆત કરવાના જ હતા, ત્યારે વીડિયોમાં દેખાતો છોકરો અંદર આવ્યો. મને ખબર નહોતી કે તે કોણ છે, મને લાગ્યું કે તે અમારા ગ્રુપમાંથી એક છે, તેથી મેં તેને ટપલી મારી. જે બાદ મને જાણવા મળ્યું કે તે અમારા ગ્રુપનો ભાગ નથી. ત્યારબાદ મેં તેને બોલાવવા માટે કહ્યું પરંતુ ત્યાં સુધીમાં તે ત્યાંથી ભાગી ગયો હતો.’

The video which is circulating on social media has been misinterpreted by many. What actually happened was a misunderstanding during the rehearsal of a shot from my upcoming film 'Journey'. pic.twitter.com/UwNClACGVG

— Nana Patekar (@nanagpatekar) November 15, 2023

આ ભૂલથી થઈ ગયુંઃ નાના પાટેકર

તેમણે કહ્યું કે,’અમે કોઈને ફોટો પાડવાની મનાઈ કરતા નથી. અહીં એટલી ભીડ હતી, કે મને ખબર જ ન પડી કે અચાનક કેવી રીતે તે આવી ગયો. આ ભૂલથી થઈ ગયું છે, મને માફ કરી દો.’

શું છે સમગ્ર મામલો?

બોલિવૂડ અભિનેતા નાના પાટેકરનો એક વીડિયો સોશિયલ મીડિયા પર વાયરલ થઈ રહ્યો છે. જેમાં તેઓ એક યુવકને થપ્પડ મારતા જોવા મળી રહ્યા છે. આ વીડિયો વાયરલ થયા બાદ ફેન્સમાં નાના પાટેકર સામે આક્રોશ જોવા મળી રહ્યો છે.આ વીડિયો બનારસનો હોવાનું કહેવામાં આવી રહ્યું છે.

Nana Patekar, during the shoot of a film in Varanasi, was caught on camera slapping a fan who attempted to take a selfie. The video went viral on social media, showing the actor gesturing the fan away after the incident. Patekar is currently filming for the movie "Journey." pic.twitter.com/dckJ01EHME

— Tauseef Sheikh (@tauseefjourno) November 15, 2023

લોકો કરી રહ્યા છે ટીકા

સોશિયલ મીડિયા પર વાયરલ થઈ રહેલા વીડિયોમાં જોઈ શકાય છે કે, શૂટિંગ સ્પોટ પર નાના પાટેકર એક સીન માટે તૈયાર થઈ રહ્યા હોય છે. ત્યારે એક યુવક તેમની પાસે આવીને ઊભો રહી જાય છે અને સેલ્ફી લેવાનો પ્રયાસ કરે છે. આ જોઈને નાના પાટેકર લાલઘુમ થઈ જાય છે અને યુવકને જોરદાર થપ્પડ ઝીંકી દે છે. જ્યારે અન્ય એક શખ્સ યુવકની ગરદન પકડીને તેને બહાર ધકેલી મૂકે છે. હવે આ વીડિયો સોશિયલ મીડિયા પર વાયરલ થઈ રહ્યો છે. લોકો અભિનેતાની ટીકા કરી રહ્યા છે.