‘આજની શિક્ષણ પદ્ધતિમાં ખામી છે એટલે વિદ્યાર્થીઓ આપઘાત કરે છે’, શિક્ષણમંત્રી નિવેદન આપીને ફરી ગયા

જૂનાગઢના કાર્યક્રમમાં ઉપસ્થિત હતા પ્રફુલ પાનસેરીયા
જૂનાગઢની બહાઉદીન કોલેજ 125 વર્ષ જૂની છે એવી જ રીતે રાજકોટની ધર્મેન્દ્રસિંહ કોલેજ 85 વર્ષ જૂની છે. આમ સૌરાષ્ટ્રની બે ઐતિહાસિક કોલેજોએ સંયુક્ત ઉપક્રમે મેથોડોલોજી પર એક સેમીનારનું આયોજન કર્યું હતું. જેમાં દેશ-વિદેશના વિદ્યાર્થીઓએ પોતાના રિસર્ચ પેપર રજૂ કર્યા હતા. આ તકે ઉપસ્થિત રહેલા શિક્ષણ મંત્રી પ્રફુલ પાનસુરીયાએ વિદ્યાર્થીઓને શિક્ષણનું સાચું મૂલ્ય શું છે તે સમજાવવાની કોશિશ કરી હતી.

'આજની શિક્ષણ પદ્ધતિમાં ખામી છે એટલે વિદ્યાર્થીઓ આપઘાત કરે છે', નિવેદન આપીને શિક્ષણમંત્રી બાદમાં ફરી ગયા #GujartiNews #Education #Students pic.twitter.com/fUuUP4rh98

— Gujarat Tak (@GujaratTak) February 11, 2023

સ્ટેજ પર શિક્ષણ પદ્ધતિને લઈને શું કહ્યું?
તેમણે વક્તવ્યમાં કહ્યું કે, તમે જે મેળવ્યું છે તે જ શ્રેષ્ઠ છે, તેમ માની આગળ વધો અને સફળતા મેળવો. તેમણે પોતાના અનુભવો અને અભ્યાસના કેટલાક ઉદાહરણો પણ આપ્યા. ત્યારે તેમણે વિદ્યાર્થીઓમાં ખૂબ ઝડપથી આગળ વધવાની દોડ અને ઝંખનાને કારણે વિદ્યાર્થીઓ નિરાશા સહન કરી શકતા નથી અને આત્મહત્યા કરે છે, આ માટે આજની શિક્ષણ પદ્ધતિની ખામી કહી શકાય. કારણ કે આટલો ઉચ્ચ અભ્યાસ શીખવ્યા બાદ પણ શિક્ષણનું મૂલ્ય સમજી નહીં શકતા વિદ્યાર્થીઓ નિરાશ થાય છે તેમ જણાવ્યું હતું.

નિવેદન આપ્યા બાદ ફરી ગયા
જોકે તેમણે શિક્ષણ પદ્ધતિમાં ખામી હોવાની વાત વક્તવ્ય બાદ નકારી દીધી હતી અને કહ્યું હતું કે, હું આવું બોલ્યો જ નથી માત્ર શિક્ષણનો ભાર અને ઝડપથી આગળ વધવાના દબાણ નીચે જીવતા વિદ્યાર્થીઓ વિશે મેં આ ઉદાહરણ આપ્યું હતું. મંત્રી પાનસુરીયાએ કહ્યું કે, શાળાઓમાં શિક્ષકોની જે ઘટ્ટ છે તે આગામી વર્ષની શરૂઆતમાં ભરતી કરી પૂરી કરવામાં આવશે. તેમજ જર્જરીત બિલ્ડીંગોને સમારકામ કરવામાં આવશે.