ભાજપમાં ટિકિટ ફાળવવા અંગે મનસુખ વસાવાનો ઘટસ્ફોટ, જાણો કોને નહો મળે ટિકિટ

મનસુખ વસાવાએ જણાવ્યું કે ચૂંટણીને લઈને ભારતીય જનતા પાર્ટી પાર્લામેન્ટરી બોર્ડ દ્વારા ઉમેદવારોની પસંદગી પ્રક્રિયા ગાંધીનગરમાં ચાલી છે. જેમાં મેં તથા મારી દીકરી પ્રીતિબેન વસાવાએ પણ ટીકીટ માટે માંગણી કરી હતી. પાર્ટી દ્વારા એવો નિર્ણય લેવાયો છે કે ચાલુ MP – MLA ના પરિવારને ટિકિટ આપવામાં નહીં આવે. જેને લઈને અનેક સવાલો ઉભા થયા છે.

ગુજરાત વિધાનસભાના ભારતીય જનતા પાર્ટીના ઉમેદવારોની પસંદગી પ્રક્રિયા ગુજરાત પ્રદેશ પાર્લામેન્ટરી બોર્ડ દ્વારા ગાંધીનગર મુકામે ચાલુ છે. મેં તથા મારી દીકરી પ્રીતિબેન વસાવા એ પણ ઉમેદવારી માટે માંગણી કરી હતી પરંતુ ચાલુ MP – MLA ના પરિવારને ટિકિટ આપવામાં નહીં આવે એવો પાર્ટીનો નિર્ણય છે.

— Mansukh Vasava MP (@MansukhbhaiMp) November 4, 2022

સાંસદ મનસુખ વસાવાએ અન્ય એક ટ્વીટમાં જણાવ્યું કે પાર્ટીના આ નિર્ણયને અમે શિરોમાન્ય ગણી પક્ષ દ્વારા જે આદેશ કરવામાં આવશે તે મુજબ અમે કામ કરીશું. નાંદોદ વિધાનસભા તથા ડેડીયાપાડા વિધાનસભાના ઉમેદવારો માટે પાર્લામેન્ટરી બોર્ડ સમક્ષ પેનલના નામો મોકલવામાં આવ્યા છે.

જે નિર્ણયને અમે શિરોમાન્ય ગણી પાર્ટીના આદેશ મુજબ કામ કરીશું.

નાંદોદ વિધાનસભા તથા ડેડીયાપાડા વિધાનસભાના ઉમેદવારો માટે પાર્લામેન્ટરી બોર્ડ સમક્ષ પેનલના નામો ગયા છે.

— Mansukh Vasava MP (@MansukhbhaiMp) November 4, 2022

આ ઉપરાંત વધુ એક ટ્વિટમાં મનસુખ વસાવાએ ઉલ્લેખ કર્યો કે, ‘જે કોઈપણ નામનો પક્ષ નિર્ણય કરશે તેમને અમે જીતાડશું. એટલું જ નહિ આગેવાનોને શીખ આપતા મનસુખ વસાવાએ એમ પણ જણાવ્યું કે તમામ આગેવાનોએ પણ પાર્ટી જે પણ કોઈ ઉમેદવારને ટીકીટ આપે તેમને અને ભાજપને જીતાડવાના કામે લાગી જવું જોઈએ.’

જે કોઈપણ નામનો પક્ષ નિર્ણય કરશે તેમને અમે જીતાડશું અને બાકીના બીજા બધા આગેવાનોએ પણ પાર્ટીના જે પણ કોઈ ઉમેદવાર આવે તેમણે અને ભાજપને જીતાડવા ના કામે લાગી જવું જોઈએ.

આભાર.

લિ. મનસુખભાઈ ડી. વસાવા,
લોકસભા સાંસદ ભરૂચ.

— Mansukh Vasava MP (@MansukhbhaiMp) November 4, 2022

ઉમેદવારોની પસંદગીને લઈને ભાજપની ત્રણ દિવસીય ચૂંટણી પસંદગી સમિતિની બેઠક યોજાઈ રહી છે. જેમાં ઉમેદવારોના નામની પ્રથમ પસંદગી કરવામાં આવશે અને ત્યાર બાદ દિલ્હીથી નામની પસંદગી કરવામાં આવશે.