ખોડલધામ નરેશે ગુજરાતમાં કયા મુદ્દાઓને ધ્યાનમાં રાખીને મતદાન કર્યું?

નરેશ પટેલે કયા મુદ્દાઓને ધ્યાનમાં રાખી મતદાન કર્યું?
નરેશ પટેલે મીડિયા સાથેની વાતચીતમાં જણાવ્યું હતું કે,દરેક સમાજને, નાનામાં નાના માણસનું ધ્યાન રહે અને ગુજરાતનો વિકાસ થાય એ મુદ્દાઓને ધ્યાનમાં રાખીને મતદાન કર્યું છે. રાજકોટ દક્ષિણ પર રમેશ ટિલાળાને બેઠક આપવા મામલે તેમણે કહ્યું, ખોડલધામ ટ્રસ્ટી રમેશભાઈ ખરા, પરંતુ ખોડલધામના ઘણા લોકો આ ચૂંટણીમાં છે, ભાજપમાં છે, કોંગ્રેસમાં છે અને AAPમાં છે. એટલે કોઈપણ પક્ષ માટે ટિપ્પણી કરું એ વ્યાજબી નથી.

ચૂંટણીમાં નિરસતા અંગે આપ્યું નિવેદન
જોકે ચૂંટણીમાં મતદાનમાં નિરસતા અંગે તેમણે કહ્યું કે, ચૂંટણીમાં નિરસતા જેવું લાગે છે, તેના પર તેમણે કહ્યું કે, ચૂંટણીનો માહોલ છે, આપણે ઘણીવાર જોતા હોઈએ છીએ કે નિરસતા છે, ઘણીવાર લોકોને રસ ન પડતો હોય. પરંતુ ઘણીવાર મતદાન સારું થતું હોય છે એટલે પરિણામ આવ્યા બાદ ખબર પડશે.

નરેશ પટેલે કહ્યું કે, મતદાન કરવાનો પવિત્ર મોકો અને તમારો અધિકાર છે. જેથી તેમણે લોકો વધુમાં વધુ મતદાન કરે તેવી અપીલ કરી હતી. આ સાથે ખોડલધામ દરેક સમાજ સાથે લાગણીથી જોડાયેલી સંસ્થા હોવાનું પણ કહ્યું હતું.#GujaratElections2022 #electionwithgujarattak #NareshPatel pic.twitter.com/rbHFpCZFzV

— Gujarat Tak (@GujaratTak) December 1, 2022