જગદીશ ઠાકોરે કહ્યું- ઉમેદવારોની યાદી આવતા ભાજપમાં ભડકો થશે, BJP સંગઠન હચમચી ગયું છે

કોંગ્રેસના આગેવાનોનાં પક્ષપલટા પર જગદીશ ઠાકોરનાં પ્રહાર
જગદીશ ઠાકોરે મીડિયા સાથેની વાતચીતમાં કહ્યું કે જેમ જેમ ચૂંટણી નજીક આવી રહી છે તેમ ભાજપ દ્વારા કોંગ્રેસના કાર્યકર્તા તથા આગેવાનોને પોતાની પાર્ટીમાં ભેળવવાનું શરૂ કરાયું છે. પરંતુ જેવી પહેલી યાદી બહાર આવશે પછી જે ભાજપમાં ભડકો થશે. આની સાથે તેમણે સંકેત આપ્યા છે કે આ કલ્પનાની બહારનો આંતરિક રાજકીય ભૂકંપ સમાન હશે.

ભાજપનું સંગઠન હચમચી ગયું છે – જગદીશ ઠાકોર
જગદીશ ઠાકોરે કહ્યું કે અત્યારે મારા વિશ્વસનીય સૂત્રો દ્વારા મને જાણવા મળ્યું છે કે ભાજપમાં અત્યારે પહેલી ઉમેદવારોની યાદી બહાર પડે એની જ રાહ જોવાઈ રહી છે. ભાજપનું સંગઠન અત્યારે અંદરથી જ હચમચી ગયું છે. આની સાથે જગદીશ ઠાકોરે વધુમાં દાવો કરતા કહ્યું કે કોંગ્રેસના ધારાસભ્યને તોડો કે પછી કંઈપણ કરો 70થી વધુ બેઠકો ભાજપને મળશે નહીં.