CM ચહેરા તરીકે પસંદ થતા ઈસુદાન ભાવુક થયા, પિતાને યાદ કરીને કહી આ મોટી વાત…

ઈસુદાન ગઢવી ભાવુક થયા…
ઈસુદાન ગઢવી મુખ્યમંત્રી તરીકે પસંદ થતા સૌથી પહેલા તેમના માતાના ચરણસ્પર્શ કરવા માટે ગયા હતા. ત્યાં તેમણે માતાના આશિર્વાદ લીધા અને પછી જનતાને સંબોધન આપ્યું હતું. આ દરમિયાન ઈસુદાન ગઢવી ભાવુક થઈ ગયા હતા. તેમણે કહ્યું કે મને આજે મારા પિતાની ઘણી યાદ આવે છે. તેમના આશીર્વાદના કારણે જ હું અહીંયા પહોંચી શક્યો છું.

મારા પિતાનું વચન મેં પાળ્યું.. ઈસુદાન
ઈસુદાન ગઢવીએ કહ્યું કે મેં મારા પિતાને વચન આપ્યું હતું એ પાળ્યું છે. એક સમયે મારા પિતાની સેવા કરવા માટે મેં અમદાવાદ છોડી દીધું હતું અને ત્યાં તેમની પાસે જ રહેતો હતો. આ દરમિયાન મારા પિતાએ વચન લઈ લીધું કે હું ફરીથી અમદાવાદ જઈશ અને પત્રકારત્વમાં આગવી ઓળખ સ્થાપી લોકોની સેવા કરીશ. લોકોના પ્રશ્નોના નિવારણ માટે મદદ કરીશ.

ઈસુદાન ગઢવીએ પોતાના સ્વ. પિતાને યાદ કરીને કહ્યું કે અત્યારે આ ખાસ અવસરે જ્યારે હું જનતાની સેવા કરવા માટે વધુ એક ડગલું આગળ આવ્યો છું. ત્યારે મારા પિતાની ઘણી યાદ આવે છે. મારા પિતાના આશીર્વાદ હંમેશા મને ફળ્યા છે. અત્યારે પણ મારા પિતાના આશીર્વાદના કારણે જ ઘણી મુશ્કેલીઓમાંથી હું બચી ગયો છું. મારા પિતાના સંસ્કાર અને કેળવણીએ જ મને આ મુકામ સુધી પહોંચાડ્યો છે.