રાયપુર વનડેમાં ભારત સામે ન્યુઝીલેન્ડનો ધબડકો, 108 રનમાં ઓલઆઉટ

આ સીરિઝની પ્રથમ વનડે હૈદરાબાદમાં રમાઈ હતી. જેમાં ટીમ ઈન્ડિયાએ રોમાંચક રીતે 12 રને જીત મેળવી હતી. આ મેચમાં ઓપનર શુભમન ગિલે 208 રનની બેવડી સદીની ઇનિંગ રમી હતી. હાલમાં ભારતીય ટીમ સીરિઝમાં 1-0થી આગળ છે

108 માં થઈ ઓલ આઉટ
ન્યૂઝીલેન્ડની ટીમ ભારતીય બોલિંગ સામે   માત્ર 108ના સ્કોર પર ઓલઆઉટ થઈ ગઈ. એટલે કે ટીમ ઈન્ડિયાને આ મેચ અને સિરીઝ જીતવા માટે માત્ર 109 રન બનાવવા પડશે. ટીમ ઈન્ડિયા તરફથી આ મેચમાં મોહમ્મદ શમીએ ત્રણ વિકેટ ઝડપી હતી, તેની સાથે હાર્દિક પંડ્યા અને વોશિંગ્ટન સુંદરને 2-2 વિકેટ મળી હતી.

ત્રીજો સૌથી ઓછો સ્કોર
ન્યૂઝીલેન્ડનું કંગાળ પ્રદર્શન જોવા મળ્યું હતું.   ટોપ-5 બેટ્સમેનમાંથી કોઈ પણ ડબલ ફિગરમાં પહોંચ્યો ન હતો. ન્યૂઝીલેન્ડ તરફથી ગ્લેન ફિલિપ્સે સૌથી વધુ રન બનાવ્યા અને તેનો સ્કોર 36 રહ્યો. ભારત સામે ન્યૂઝીલેન્ડનો આ ત્રીજો સૌથી ઓછો સ્કોર છે. અગાઉ 2016માં ન્યૂઝીલેન્ડ 79 રન પર ઓલઆઉટ થયું હતું, 2010માં 103 રન પર અને હવે અહીં આખી ટીમ 108 રન પર આઉટ થઈ ગઈ હતી.