વાવાઝોડાને લઈ અંતરીક્ષનો વીડિયો આવ્યો સામે, બિપોરજોયનું ભયાનક સ્વરૂપ જોવા મળ્યું

ઇન્ટરનેશનલ સ્પેસ સ્ટેશન પરથી ચક્રવાતનો વીડિયો સામે આવ્યો

અમદાવાદ: અરબી સમુદ્રમાં સર્જાયેલા વાવાઝોડા બિપરજોય ગુજરાત તરફ આગળ વધી રહ્યું છે. બિપોરજોય વાવાઝોડાને લઈ રાજ્ય માટે આગામી 36 કલાક ખૂબ ભારે ગણવામાં આવે છે. ત્યારે વાવાઝોડાની અસર છેલ્લા 2 દિવસથી રાજ્યમાં શરૂ થઈ ચૂકી છે. ત્યારે વાવાઝોડાને લઈને રાહત કમિશ્નર આલોક પાંડેએ જણાવ્યું હતું કે, વાવાઝોડુ કચ્છથી 290 કીમી દુર છે. વાવાઝોડુ 15 મી બપોરે 5 વાગ્યા આસપાસ લેન્ડફોલ થવાની શક્યતા છે. આ દરમિયાન આ વાવાઝોડાના ઇન્ટરનેશનલ સ્પેસ સ્ટેશન પરથી ચક્રવાતના વિઝ્યુઅલ્સ પણ સામે આવ્યા છે. જેના પરથી અંદાજો લગાવી શકાય છે કે કેટલું ભયાનક છે આ વાવાઝોડુ.

બિપારજોય ગુજરાત સહિત 9 રાજ્યોને અસર કરી શકે છે. આ દરમિયાન વાવાઝોડાને લઈ અંતરીક્ષનો વીડિયો સામે આવે છે. ત્યારે વીડિયો પરથી અંદાજો લગાવી શકાશે કે કેટલું ભયાનક સ્વરૂપ ધારણ કરી ચૂક્યું છે. આ વાવાઝોડુ. બિપોરજોય આવતીકાલે સાંજે ગુજરાતમાં લેન્ડફોલ થઈ શકે છે.

જુઓ વીડિયો

Watch as a tropical cyclone forms over the Arabian Sea from these views I captured.

The ISS provides a unique perspective on several natural phenomena, which can assist experts on Earth in weather monitoring.🌩️🌀

Stay safe, everyone! pic.twitter.com/dgr3SnAG0F

— Sultan AlNeyadi (@Astro_Alneyadi) June 13, 2023

આ 9 રાજ્યોમાં એલર્ટ
ભારતીય હવામાન વિભાગે બુધવારે કહ્યું કે 9 રાજ્યો અને કેન્દ્રશાસિત પ્રદેશોને એલર્ટ પર મૂકવામાં આવ્યા છે. આ રાજ્યો ગુજરાત, કેરળ, તમિલનાડુ, કર્ણાટક, મહારાષ્ટ્ર, ગોવા, દમણ અને દીવ, દાદરા અને નગર હવેલી છે. આટલું જ નહીં ચક્રવાતના કારણે રાજસ્થાનના કેટલાક વિસ્તારોમાં પણ વરસાદનું એલર્ટ છે.

7 જિલ્લામાં તબાહી મચાવી શકે છે
આવતીકાલે 15મી જૂને કચ્છ, દ્વારકા, પોરબંદર, જામનગર, મોરબી, રાજકોટ અને જૂનાગઢમાં બિપરજોયને કારણે નુકસાન થવાની સંભાવના છે. આ જિલ્લાઓમાં કચ્છ ભારે નુકસાન થઈ શકે છે. આ સિવાય કેટલાક અન્ય જિલ્લાઓમ ભારે પવન અને વરસાદને કારણે નુકશાન થઈ શકે છે.

રાજ્યના આ વિસ્તારોમાં ભારે વરસાદનું એલર્ટ
15મી જૂને સૌરાષ્ટ્ર અને ઉત્તર ગુજરાતના વિસ્તારોમાં ભારેથી અતિભારે વરસાદની શક્યતા હવામાન વિભાગે વ્યક્ત કરી છે. આ ઉપરાંત પોરબંદર, રાજકોટ, મોરબી અને જૂનાગઢ જિલ્લામાં ભારે વરસાદની આગાહી છે. આ સાથે જ કચ્છ, દેવભૂમિ દ્વારકા અને જામનગરમાં અલગ-અલગ સ્થળોએ ભારે વરસાદની ચેતવણી જારી કરવામાં આવી છે. 14મી જૂને ગુજરાતના મોટાભાગના વિસ્તારોમાં હળવાથી મધ્યમ વરસાદની શક્યતા છે. આ ઉપરાંત કચ્છ, દેવભૂમિ દ્વારકા, પોરબંદર, જામનગર, રાજકોટ, જૂનાગઢ અને મોરબીમાં અતિભારે વરસાદની સંભાવના છે.