જામનગર મહાનગરપાલિકાને આવકમાં જરા રસ નહીં, કરોડોનો વેરો વસુલવાનો બાકી

જામનગર મહાનગરપાલિકાની ગ્રાન્ટ સિવાયની મુખ્ય આવક વેરા વસુલાતમાં કરોડો રૂપિયા બાકી, વિપક્ષે તંત્રની કામગીરી પર કર્યા આક્ષેપ… #Jamnagar @mcjamnagar #GTVideo pic.twitter.com/Y6MRudcHem

— Gujarat Tak (@GujaratTak) January 18, 2023

16 વોર્ડમાંથી માત્ર 56 કરોડની જ વસુલાત
જામનગર મહાનગરપાલિકા દ્વારા શહેરમાં તા.1-4-2006 થી ક્ષેત્રફળ આધારિત મિલકત વેરાની વસૂલાત શરૂ કરવામાં આવે છે, પરંતુ શરૂઆતથી જ વેરા વસૂલાતમાં મનપા વામણી પૂરવાર થઇ છે. જેના કારણે દર વર્ષે બાકી વેરાનો આંકડો ઘટવાને બદલે વધી રહ્યો છે. વર્ષ 2022-23 માં શહેરના 16 વોર્ડમાં મિલકત વેરાના રૂ.56 કરોડ ની વસૂલાત થઇ છે. નવાઇની વાત તો એ છે કે, મિલકત વેરા શાખામાં 9 કાયમી, 11 આઉટસોર્સીંગ, 2 એપ્રેન્ટીસ, કર્મચારીઓ ફરજ બજાવી રહ્યા છે. જેઓને દર વર્ષે સવા બે કરોડ પગાર ચૂકવામાં આવી રહ્યો છે. આમ છતાં મહત્તમ બાકીદારોને નોટિસ, વોરંટ અને અનુસુચિ ફટકારી સંતોષ માની લેવામાં આવી રહ્યો છે. જેના કારણે કરોડોનો મિલકત વેરો બાકી છે.

બજરંગ દળ મક્કમ, કોઈ પણ સંજોગોમાં પઠાણ ફિલ્મ રીલીઝ નહીં થવા દે, જાણો કોણે આપ્યું

મિલકત જપ્તીની કાર્યવાહી બંધ થતા બાકીદારોને મોકળું મેદાન
જામનગર મહાનગર પાલિકા દ્વારા મિલકત વેરો ન ભરનાર આસામીઓને નિયમ મુજબ નોટિસ, વોરંટ પાઠવી અંતે મિલકત જપ્ત કરવામાં આવતી હતી. પરંતુ મનપા દ્વારા આ કાર્યવાહી અચાનક બંધ કરવામાં આવતા કામગીરી સામે સવાલ ઉઠયા છે. આથી બાકીદારોને મોકળું મેદાન મળી ગયું છે. આટલું જ નહીં, જે આસામીઓનો મિલકત વેરો બાકી છે તેઓના નામ પણ જાહેર કરવામાં આવતા નથી.