GT vs LSG Match LIVE: ગુજરાતે બનાવ્યો 227 રનનો વિશાળ સ્કોર, શુભમન ગિલ સદી ચૂકી ગયો

રિદ્ધિમાન સાહા અને શુભમન ગીલે ગુજરાતની ટીમને મજબૂત શરૂઆત અપાવી હતી. બંનેએ 4 ઓવરમાં 53 રન ઉમેર્યા હતા. રિદ્ધિમાન સાહાએ માત્ર 20 બોલમાં પોતાની અડધી સદી પૂરી કરી હતી. શુભમન ગિલે 29 બોલમાં પોતાની અડધી સદી પૂરી કરી હતી. સાહાએ 81 રન બનાવ્યા હતા. હાર્દિક પંડ્યા 25 રન બનાવીને આઉટ થયો હતો. શુભમન ગિલ 51 બોલમાં 94 રન બનાવીને અણનમ પરત ફર્યો હતો. ડેવિડ મિલરે 12 બોલમાં અણનમ 21 રન ઉમેર્યા હતા.

લખનૌની ટીમમાં એક ફેરફાર કરવામાં આવ્યો છે. નવીન-ઉલ-હકની જગ્યાએ ક્વિન્ટન ડિકોકને તક મળી છે. તે જ સમયે, ગુજરાતની ટીમ પણ એક ફેરફાર સાથે ઉતરશે, કારણ કે જોશ લિટલ હાજર નથી અને તેના સ્થાને અલઝારી જોસેફને પ્લેઈંગ ઈલેવનમાં સામેલ કરવામાં આવ્યો છે.

GT 227/2 (20)