ગોપાલે કહ્યું- સુરતમાં યોગી આદિત્યનાથનો રોડ શો ફ્લોપ રહ્યો, ભાજપના દિગ્ગજો સુરત ભાગ્યાનો દાવો કર્યો!

कल सुरत मे आदित्यनाथ योगी जी का रॉड शो था, जो सुपर फ्लॉप रहा।

जहाँ अरविंद केजरीवाल के रॉड शो मे जनता आई थी वही भाजपा का रॉड शो फ्लॉप होने के कारण अमित शाह जी कल रात सूरत आए थे और आज जे०पी नड्डा ने आज इमरजंसी में सूरत के भाजपा पदाधिकारी की मिटिंग करी।

परिवर्तन आ रहा है।

— Gopal Italia (@Gopal_Italia) November 24, 2022

રોડ શો ફ્લોપ રહ્યો, ભાજપના દિગ્ગજો દોડતા થયા- ઈટાલિયાનો દાવો
ગોપાલ ઈટાલિયાએ ટ્વિટ કરીને લખ્યું છે કે સુરતમાં યોગી આદિત્યનાથનો રોડ શો ફ્લોપ રહ્યો છે. જનમેદની તો અરવિંદ કેજરીવાલના રોડ શોમાં જ ઉમટી હોય છે. જો કેજરીવાલ સાથે તુલના કરો તો ભાજપનો રોડ શો ફ્લોપ જ હતો. તેવામાં આ જોઈએ અમિત શાહ ગઈ કાલે રાતે સુરત આવ્યા હતા. જ્યારે ઈટાલિયાએ વધુમાં કહ્યું કે જેપી નડ્ડા પણ આજે ઈમરજન્સીમાં સુરત ભાજપના પદાધિકારીઓ સાથે મિટિંગ કરવા માટે આવી ગયા છે. આ ગુજરાતમાં પરિવર્તનની નિશાની છે.

સ્ટાર પ્રચારક તરીકે યોગીનો રોડ શો…
ભાજપના ફાયરબ્રાન્ડ નેતા એવા યોગી આદિત્યનાથે સુરત ખાતે રોડ શો કર્યો હતો. બુલડોઝર બાબાના નામથી લોકોમાં જાણીતા યોગી આદિત્યનાથના રોડ શોમાં જે લોકોનો પ્રતિસાદ મળ્યો એના પર આમ આદમી પાર્ટીએ નિશાન સાધ્યું છે. ગોપાલ ઈટાલિયાએ કહ્યું છે કે ભાજપના રોડ શો કરતા વધારે પ્રતિસાદ તો કેજરીવાલને મળે છે. તેવામાં હવે આગામી સમયમાં ચૂંટણીનો ત્રિપાંખિયો જંગ કેટલો જામશે એ જોવાજેવું રહ્યું.