ફડણવીસે કહ્યું- રાહુલ ગાંધીને હું પપ્પું નહીં કહું; તે ભારત નહીં વિપક્ષીઓ જોડો યાત્રા કરે છે

ફડણવીસે કહ્યું- રાહુલ ગાંધીને હું પપ્પુ નથી કહેતો પણ…
મહારાષ્ટ્રના ડેપ્યુટી સી.એમ. દેવેન્દ્ર ફડણવીસે માલપુરની સભામાં કહ્યું હતું કે રાહુલ ગાંધીને હું પપ્પુ કહેતો જ નથી. હું યુવરાજ કહીને સંબોધું છું. આ યુવરાજ ગઈકાલે ગુજરાત આવ્યા હતા. ગુજરાતમાં ચૂંટણીનો ધમધમાટ ચાલી રહ્યો છે ત્યારે યુવરાજ તો ભારત જોડો યાત્રામાં વ્યસ્થ છે. તેમને ગુજરાતની જનતાની કઈ પડી નહોય એમ લાગી રહ્યું છે.

યુવરાજ વિપક્ષીઓને જોડો યાત્રા કરે છે- ફડણવીસ
ફડણવીસે વધુમાં કહ્યું કે આ યુવરાજ (રાહુલ ગાંધી) જે છે તેઓ ભારત જોડો નહીં વીપક્ષી જોડો યાત્રા ચલાવે છે. વળી રાહુલ ગાંધી જે બેઠક પરથી ચૂંટણી પ્રચાર કરે છે ત્યાં કોંગ્રેસ હારી જાય છે.

આમ આદમી પાર્ટી પર કટાક્ષ..
ફડણવીસે આમ આદમી પાર્ટી પર કટાક્ષ કરતા કહ્યું કે અત્યારે અહીં સાયબેરિયા પક્ષી જેવા લોકો આવે છે. જે માત્ર ચૂંટણી સમયે જ ગુજરાતમાં દેખાય છે. આ લોકો રોજ ખોટુ બોલતા હોય છે. પંજાબવાળા આમનાથી થાકી ગયા છે. રેવડીઓને જોઈ મત આપ્યા અને હવે પંજાબના લોકો ત્રસ્ત થઈ ગયા છે. પરંતુ ગુજરાતીઓ તો સૌથી હોશિયાર છે.

With Input: હિતેશ સુતરિયા