ધાનેરા નગરપાલિકાએ બીલ ન ભરતા લાઈટ કનેક્શન કપાયું, તાત્કાલિક કરવો પડ્યો આ ઉપાય !

વીજ વિભાગની દેવાદાર ગણાતી ધાનેરા નગરપાલિકા પાસે વીજળીના બાકી પેટે 2 કરોડ 60 લાખ માંગે છે. ત્યારે પાલિકા તંત્ર બાકી બિલ ન ભરતાં વીજ વિભાગે નગરપાલિકાનું લાઇટ કનેક્શન કાપ્યું છે.

ધાનેરા નગરપાલિકાની કચેરી,સ્ટ્રીટ લાઈટ,તેમજ પીવાના પાણીનાં બોરનું મસમોટું બિલ વીજ વિભાગને ચૂકવવામાં પાલિકા નિષ્ફળ નીવડતાં આખરી ઉપાયે વીજ વિભાગે કનેક્શન કાપી નાંખ્યું છે. જેના કારણે પાલિકાની કચેરીમાં અંધારપટ છવયો હતો. આ સાથે કમ્પ્યુટર બંધ થતા તમામ ઓફિશિયલ કાર્યો અટવાયા હતા. શનિવારના રોજ ચાલુ કામકાજના દિનલે અહી અંધારુ થતા નાગરિકો પણ હેરાનપરેશાન થયા હતા. તો બીજા દિવસે રવિવારે રજાના દિવસે કચેરી બંધ હોય જેથી નાગરિકોના બે દિવસ ન બગડે અને પાલિકાનું કામ પણ અટવાય નહીં માટે પાલિકાએ તાત્કાલિક જનરેટરની વ્યવસ્થા કરી હતી.

જોકે વીજ વિભાગના સુત્રોનું માનીએ તો બિલ ભરપાઈ થશે નહિ તો પ્રથમ તબક્કા બાદમાં બીજા તબક્કાની કાર્યવાહીમાં પાલિકાના અન્ય વીજ કનેક્શન પણ કપાસે તેવું જણાવ્યું હતું. હવે જો બીલ ભરપાઈ કરવામાં વિલંબ થાય તો પાલિકાના મહત્વના કામો તો અટવાય જ પણ નાગરિકોના કામો પણ અટવાય સાથે તેમના સમયનો બગાડ પણ થાય. જો કે પાલિકા દ્વારા ક્યેરા આ બીલની ભરપાઈ કરવામાં આવશે તેવી કોઈ વિગતો આપવામાં આવી નથી.

આ પણ વાંચો: કુંવરજી બાવળીયાની શાળામાં 15 વર્ષની વિદ્યાર્થિનીનો આપઘાત, જાણો શું છે ઘટના