દેશની ઉધારી 147 લાખ કરોડ રૂપિયાને પાર થઈ, એક વર્ષમાં દેશનું દેવું કેટલું વધ્યું?

2021માં દેશનું કુલ દેવું 125.71 લાખ કરોડ હતું
નાણા મંત્રાલય તરફથી મંગળવારે સાર્વજનિક દેવા પર જાહેર કરેલા ત્રિમાસિક રિપોર્ટ અનુસાર, આ વર્ષે સપ્ટેમ્બરના અંતમાં સાર્વજનિક દેવું 1 ટકા વધ્યુ છે. ગત વર્ષે સપ્ટેમ્બર 2021ના અંતે આ દેવું 125.71 લાખ કરોડ હતું, જેની તુલનાએ આ વખતે તેમાં 21.48 લાખ કરોડનો વધારો થયો છે. જ્યારે સપ્ટેમ્બર 2020ના અંતમાં આ દેવું 107.04 કરોડ થયું છે.

આ પણ વાંચો: 57% કર્મચારીઓને 12% પગાર વધારાની અપેક્ષા, સંગઠિત ક્ષેત્રની રોજગાર આ વર્ષે વધશે

ઝડપથી વધતું દેવું સરકારની ચિંતા વધારશે
કેન્દ્રિય બજેટમાં સરકાર આખા વર્ષની રાષ્ટ્રીય આવક અને ખર્ચનો હિસાબ રજૂ કરે છે. સરકાર પોતાના ખર્ચ મુજબ આગામી વર્ષમાં ખર્ચનો અંદાજ લગાવે છે. પરંતુ ઝડપથી વધી રહેલું દેવું એક મોટી સમસ્યા બની શકે છે. તાજેતરની રિપોર્ટ મુજબ બીજા ક્વાર્ટર દરમિયાન કેન્દ્ર સરકારે ડેટેડ સિક્યોરિટીઝ દ્વારા 4,06,000 કરોડ એકત્રિત કર્યા હતા. જ્યારે સમગ્ર બોરોઈંગ કેલેન્ડરની નોટિફાઈડ રકમ 4,22,000 કરોડ છે. તેની સામે 92,371.15 કરોડની ચૂકવણી કરી હતી.

નાણાકીય વર્ષ 2022-23ના બીજા ક્વાર્ટરમાં પ્રાઈમરી ઈશ્યુઅન્સીસ પરની વેઈટેડ એવરેજ અગાઉન ક્વાર્ટરના 7.23 ટકાથી 0.10 ટકા વધીને 7.33 ટકા થઈ હતી. ડેટેડ સિક્યોરિટી પર વેઈટેડ એવરેજ ન્યુ ઈશ્યુઅન્સીસ બીજા ક્વાર્ટરમાં 15.62 લાખ કરોડ હતા. જે રકમ પ્રથમ ક્વાર્ટરના 15.69 લાખ કરોડ કરતા ઓછી છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…