AAPના ઉમેદવારને કરી BJPએ 7 કરોડ રૂપિયાની ઓફર? રાજુ કરપાડાએ કહ્યું- પુરાવા પણ છે..

સુરેન્દ્રનગરઃ ગુજરાતમાં વિધાનસભા ચૂંટણીના મતદાનને હવે ગણતરીનો સમય બાકી રહ્યો છે. ત્યારે આમ આદમી પાર્ટી હોય કે ભાજપ અથવા કોંગ્રેસ ત્રણેય પક્ષો જોરશોરથી ચૂંટણી પ્રચાર કરી રહ્યા છે. આ દરમિયાન AAPના ઉમેદવાર રાજુ કરપાડાએ ચૂંટણી પ્રચાર દરમિયાન ભાજર પર આક્ષેપો લગાવ્યા છે. તેમણે કહ્યું છે કે મને ભાજપ દ્વારા 7 કરોડ રૂપિયાની ઓફર કરવામાં આવી હતી. પરંતુ મે એને તિરસ્કૃત કરીને જનતાને સેવા માટે આગળ આવ્યો છું.

BJPએ મને 7 કરોડ રૂપિયાની ઓફર કરી- રાજુ કરપાડા
ચોટીલા વિધાનસભા બેઠકના AAPના ઉમેદવાર રાજુ કરપાડાએ ભાજપ પર આક્ષેપો લગાવ્યા છે. તેણે કહ્યું છે કે મને 7 કરોડ રૂપિયાની ઓફર કરવામાં આવી હતી. આટલી મોટી રકમ આપી મને ભાજપને સમર્થન આપવા દબાણ કરાયું હતું. જોકે તેણે જનતાને કહ્યું કે મે આ ઓફરને લાત મારી દીધી અને એટલું જ કહ્યું કે ખેડૂતોના પ્રશ્નો પાર પાડવા જોઈએ.

હું પુરાવા આપવા તૈયાર- રાજુ કરપાડાનો ઘટસ્ફોટ..
AAPના ઉમેદવાર રાજુ કરપાડાએ વધુમાં કહ્યું કે ભાજપે મને 7 કરોડ રૂપિયાની ઓફર કરી એના પુરાવા પણ મારી પાસે છે. જો ખેડૂતોના પ્રશ્નોનું નિરાકરણ આવી જશે તો હું સામે ચાલીને ચૂંટણી લડવાની ના પાડી દઈશ. મારા માટે જનતાની સેવા જ મહત્ત્વપૂર્ણ છે.

With Input: Sajid Belim

AAPના ઉમેદવારને કરી BJPએ 7 કરોડ રૂપિયાની ઓફર? રાજુ કરપાડાએ કહ્યું- પુરાવા પણ છે..

Parth Vyas

Parth Vyas