ભાજપે લોકોનો વિશ્વાસ જીતવા અપનાવ્યો ‘ડિજિટલ રૂટ’, મિશન 182 માટે પાટીલે નવી રણનીતિના કર્યા ‘શ્રી ગણેશ’

મિશન 182 માટે ડિજિટલ રથ શરૂ કર્યા…
મુખ્યમંત્રી ભૂપેન્દ્ર પટેલ અને સી.આર.પાટીલે ડિજિટલ રથનું લોન્ચિંગ કર્યું છે. તમને જણાવી દઈએ કે આ રથ પર ભાજપનું નવું ચૂંટણીનું સ્લોગન ભરોસાની ભાજપ સરકાર રાખવામાં આવ્યું છે. ઉલ્લેખનીય છે કે ભરોસાની ભાજપ સરકારના સ્લોગન સાથે ડિજિટલ રથને ફ્લેગ ઓફ કરાવાયા છે. વળી 182 વિધાનસભા માટે 182 અલગ અલગ રથ ચૂંટણી પ્રચાર કરશે. તેવામાં અત્યારે પ્રાથમિક તબક્કે 50 ચૂંટણી રથોને ભાજપે ગ્રીન સિગ્નલ આપી દીધું છે.

ડિજિટલ રથનો ઉદ્દેશ શું છે!
આગામી ચૂંટણીમાં ગ્રામીણથી લઈ તમામ વિસ્તારોમાં આ રથો ફરતા થઈ જશે. જેમાં ગ્રામ્ય વિસ્તારો, મહોલ્લામાં સરકારે કરેલા કામો તથા અન્ય યોજનાઓ વિશે વિગતવાર ચૂંટણી પ્રચાર કરવામાં આવશે. એટલું જ નહીં 2017મા જાહેર કરાયેલીી મેનીફેસ્ટોમાં જે જે કામ કર્યા છે એ પણ લોકોને બતાવવામાં આવશે.