વિધાનસભા ચૂંટણી પહેલા ભાજપમાં સૌથી મોટું ભંગાણ, આ પૂર્વ સાંસદ કોંગ્રેસમાં જોડાયા

પંચમહાલ જિલ્લામાં ભાજપને થઈ શકે નુકસાન
પંચમહાલથી ભાજપના પૂર્વ સાંસદ રહી ચૂકેલા પ્રભાતસિંહ ચૌહાણ આજે કોંગ્રેસના મહામંત્રી મોહન પ્રકાશ અને પૂર્વ અધ્યક્ષ અમિત ચાવડાએ ખેસ પહેરાવીને સ્વાગત કર્યું હતું. ચૂંટણી પહેલા જ ભાજપના કદાર નેતા અને પૂર્વ સાંસદ એવા પ્રભાતસિંહ કોંગ્રેસમાં જોડાતા રાજકારણમાં ગરમાવો આવ્યો છે. ત્યારે આગામી ચૂંટણીમાં ભાજપને પંચમહાલ જિલ્લામાં મોટું નુકસાન થઈ શકે છે.

ચૂંટણી પહેલા ભાજપમાં સૌથી મોટું ભંગાણ, ફાગવેલ પરિવર્તન યાત્રામાં ભાજપના પંચમહાલના પૂર્વ સાંસદ પ્રભાતસિંહ ચૌહાણ કોંગ્રેસમાં જોડાયા, કોંગ્રેસ મહામંત્રી મોહન પ્રકાશ અને પૂર્વ અધ્યક્ષ અમિત ચાવડાએ ખેસ પહેરાવી કોંગ્રેસમાં કર્યું સ્વાગત #GujaratElections2022 #Congress #BJP pic.twitter.com/2vXgpqGzTJ

— Gujarat Tak (@GujaratTak) November 1, 2022

પ્રભાતસિંહના પત્ની મોદીની સભામાં હાજર
ત્યારે માહિતી મળી રહી છે કે પૂર્વ સાંસદ પ્રભાતસિંહ જ્યારે કોંગ્રેસમાં જોડાઈ રહ્યા હતા, ત્યારે તેમના પત્ની રંગેશ્વરી ચૌહાણ PM મોદીની સભામાં હતા. જાંબુઘોડામાં PM મોદી આજે કરોડોની યોજનાઓનું ઈ-લોકાર્પણ કરવાના છે. જેના કાર્યક્રમમાં રંગેશ્વરી ચૌહાણ ત્યાં હાજર હતા. પ્રભાતસિંહના કોંગ્રેસમાં જવા વિશે પૂછતા તેમણે કહ્યું કે, મને ખબર નથી એ કોંગ્રેસમાં જોડાયા છે પણ હું તો ભાજપમાં જ છું.

(વિથ ઈનપુટ: હેતાલી શાહ & શાર્દુલ ગજ્જર)