VIDEO: નેતાજીની ટપોરીગીરી! સુરતમાં દબાણ હટાવવા આવેલા અધિકારીઓને BJPના કોર્પોરેટરે ગાળો ભાંડી

કોર્પોરેટરે સરકારી જમીન પર દબાણ કર્યું હતું
ભાજપના વોર્ડ નંબર 29ના કોર્પોરેટર બંશુ યાદવ દ્વારા સરકારી જમીન પર દબાણ કરવામાં આવ્યું હતું. જેની જાણકારી મળતા જ કોર્પોરેશનની દબાણ ખાતાની ટીમ ત્યાં પહોંચી હતી. જોકે કોર્પોરેટરને આ બાબતની જાણ થતા જ તે બુલેટ લઈને ત્યાં પહોંચી ગયા અને ટપોરીગીરી કરતાં જાહેરમાં જ અધિકારીઓને ગાળી ભાંડી હતી, જાણે અધિકારીઓ ખોટું કામ કરી રહ્યા હોય. આટલું જ નહીં પોલીસની સામે જ કોર્પોરેટર અધિકારીઓને ધમકાવવાનું શરૂ કરી દીધું હતું.

સુરત મહાનગર પાલિકાના વોર્ડ નંબર 29 ભાજપના કોર્પોરેટર બાંસુ યાદવની દાદાગીરીનો વિડીયો વાયરલ

કોર્પોરેટરે ગેરકાયદેસર બાંધકામ કરી સરકારી જમીન પર દબાણ કરતા પાલિકાની ટીમ ડીમોલેશન કરવા ગઈ હતી pic.twitter.com/KWlSgDMTz2

— Gujarat Tak (@GujaratTak) October 18, 2022

અધિકારીઓને ગાળો ભાંડતા કોર્પોરેટરનો વીડિયો વાયરલ
આ સમગ્ર ઘટનાનો વીડિયો ત્યાં ઉપસ્થિત ભીડમાંથી કોઈ વ્યક્તિએ ઉતારી લીધો હતો. જે હાલમાં વાઈરલ થઈ રહ્યો છે. લોકપ્રતિનિધિ હોવા છતાં અને પ્લોટ પર ગેરકાયદેસર દબાણ કરવા છતાં ભાજપના કોર્પોરેટર એટલા બેફામ થઈને દાદાગીરી કરતા દેખાયા કે તેમને પોતાની ભૂલ પણ દેખાતી નહોતી. બંશુ યાદવ આ અગાઉ પણ ભૂતકાળમાં ગેરકાયદેસર દબાણને લઈને માથાકૂટ કરી હોવાની વાત સામે આવી હતી.

(વિથ ઈનપુટ: સંજયસિંહ રાઠોડ)