‘રેવડીકિંગ અરવિંદ કેજરીવાલે 101 કરોડ જનતાના પૈસા વક્ફ બોર્ડને આપી દીધા’

ભાજપના નેતાઓને કેજરીવાલ પર સણસણતો આક્ષેપ
ભાજપના સ્ટેટ મીડિયા કન્વીનર ડો. યજ્ઞેશ દવેએ એક ટ્વીટ કર્યું છે. જેમાં તેમણે કહ્યું છે કે, RTI દ્વારા ખુલાસો થયો છે. રેવડીકિંગ અરવિંદ કેજરીવાલે 101 કરોડ, જી હાં 101 કરોડ જનતાના પૈસા વક્ફ બોર્ડને આપી દીધા છે. પાછલા એક વર્ષમાં 62 કરોડથી વધારે આપવામાં આવ્યા છે. ક્યાં ક્યાં રેવટી વહેંચી છે? દિલ્હી વક્ફ બોર્ડના અધ્યક્ષ આપના ધારાસભ્ય અમાનંતુલ્લા ખાન છે. આ સાથે ટ્વીટમાં તેમણે RTIની એક ડિજિટલ કોપીને પણ અટેચ કરી છે.

आरटीआई के जरिए खुलासा…….
रेवडिकिंग @ArvindKejriwal ने 101 करोड़ – जी हाँ 101 करोड़ जनता का पैसा वक्फ बोर्ड को दिया है। पिछले एक साल में 62 करोड़ से अधिक दिया गया है। कहा कहा रेवड़ी बांटी है?
दिल्ली वक्फ बोर्ड के अध्यक्ष आप विधायक श्री “अमानंतुल्ला खान” हैं। pic.twitter.com/TR8nvgdSrP

— Dr.Yagnesh Dave (@yagnesh_dave) October 21, 2022

અગાઉ ગુજરાતમાં કેજરીવાલના પોસ્ટર લાગ્યા હતા
નોંધનીય છે કે, તાજેતરમાં જ ગુજરાતભરમાં કેજરીવાલની મુલાકાત દરમિયાન મુસ્લિમ પહેરવેશની તસવીરવાળા બેનેરો લાગ્યા હતા, જેમાં તેમને હિન્દુ ધર્મ વિરોધી બતાવવામાં આવ્યા હતા. ત્યારે પોસ્ટર રાજનીતિ બાદ હવે ગુજરાતની ચૂંટણી પહેલા ભાજપ દ્વારા કેજરીવાલ પર વધુ એક આક્ષેપ કરવામાં આવ્યો છે. ત્યારે જોવાનું રહેશે કે આ આક્ષેપોની અસર આગામી ચૂંટણીના પરિણામોમાં જોવા મળશે કે કેમ.

ગઈકાલે AAP દ્વારા ભાજપ-AIMIMની ગુપ્ત મીટિંગનો આક્ષેપ કરાયો હતો

ગઈકાલે ગોપાલ ઈટાલિયા, ઈસુદાન ગઢવી સહિત દિગ્ગજ નેતાઓએ એક મીડિયાના અહેવાલને ટાંકીને ભાજપ પર આરોપ લગાવ્યો હતો. તેમાં ભાજપના નેતાઓ અને AIMIM વચ્ચે બંધબારણે ગુપ્ત મીટિંગ થઈ હોવાની વાત કરી હતી. જેમાં ભાજપના 2 દિગ્ગજ નેતાઓ AIMIMની ઓફિસે બંધબારણે સાબીર કાબલીવાલાને મળ્યા હોવાનું જણાવાયું હતું. જોકે Gujarat Tak સાથે વાતચીતમાં આ આક્ષેપોને પાયાવિહોણા ગણાવ્યા હતા.