અમદાવાદ એરપોર્ટ પર પેસેન્જરને આવ્યો હાર્ટ એટેક, CISFના જવાનોએ આ રીતે મોતના મુખમાંથી ઉગારી લીધા

જવાનોએ પેસેન્જરને CPR આપીને જીવ બચાવ્યો
આ સમગ્ર ઘટનાનો વીડિયો પણ સામે આવ્યો છે. જેમાં જોઈ શકાય છે કે મુંબઈ જતા આધેડ ઉંમરના એક પેસેન્જર એરપોર્ટની લોબી પર જ ઢળેલા પડ્યા છે. જ્યારે એક જવાન તેમને CPR આપી રહ્યા છે અને અન્ય જવાન તેમના હાથને ઘસી રહ્યા છે. થોડા સમય CPR આપ્યા બાદ પેસેન્જર ભાનમાં આવે છે અને બોલે પણ છે. ત્યારે CISFના આ જવાનોની સરાહનીય કામગીરીની ખૂબ પ્રશંસા થઈ રહી છે.

અમદાવાદથી મુંબઈ જતા પેસેન્જરને એરપોર્ટ પર જ હાર્ટ એટેક આવ્યો, CISFના જવાનોએ CPR આપીને જીવ બચાવ્યો#Ahmedabad #Airport #AhmedabadNews pic.twitter.com/yGhZdSCqBi

— Gujarat Tak (@GujaratTak) December 21, 2022

ફાસ્ટ ફૂડના ક્રેઝના કારણે યુવાનોમાં હાર્ટ એકેટના કિસ્સાઓ વધ્યા
નોંધનીય છે કે, આજકાલમાં લોકોમાં વધી રહેલા ફાસ્ટ ફૂડના ક્રેઝને કારણે નાની ઉંમરમાં લોકોના હાર્ટ એેટેક આવવાના બનાવો વધી રહ્યા છે. રિપોર્ટ મુજબ દર વર્ષે અંદાજે 2 કરોડ જેટલા લોકોના મોત હાર્ટ એટેકથી થાય છે. એવામાં દર્દીને જ્યારે હાર્ટ એટેક આવે ત્યારે CPR ટેકનિકથી તેનો જીવ બચાવી શકાય છે.