AAPએ સુરતમાં ગોપાલ ઈટાલિયાના સમર્થનમાં તિરંગા યાત્રા કાઢી, પાટિદાર મુદ્દે ભાજપ સરકારને ઘેરી

સુરત ખાતે તિરંગા યાત્રાનું આયોજન
ગોપાલ ઈટાલિયાને સપોર્ટ કરવા માટે આમ આદમી પાર્ટીના કાર્યકરો દ્વારા તિરંગા યાત્રા કાઢવામાં આવી હતી. જેમાં લોકોએ ગોપાલ ઈટાલિયાના સમર્થનમાં સૂત્રોચ્ચાર કર્યા હતા. તો બીજી બાજુ ભાજપને પાટીદાર વિરોધી સરકારના બેનરો લઈને વિરોધ પ્રદર્શન પણ કર્યું હતું. ઉલ્લેખનીય છે કે ગોપાલ ઈટાલિયા અત્યારે વાઈરલ વીડિયોના કારણે મુશ્કેલીમાં મુકાયા છે. તેવામાં આ વીડિયો વોરનો શું અંજામ આવશે એ જોવાજેવું રહેશે.

ભાજપને વધુ વીડિયો વાઈરલ કરવા ઈસુદાનની ચેલેન્જ, પાટીદારો ફેક્ટર વિશે કહ્યું..
ઈસુદાને ત્યારપછી જણાવ્યું કે અમારી ચેલેન્જ છે ભાજપને કે જેટલા વીડિયો ગોપાલના વાઈરલ કરવા હોય એટલા કરજો. પાટીદારોને આ વીડિયોના માધ્યમથી જે ગોપાલ ઈટાલિયાને બદનામ કરાઈ રહ્યા છે એનો વળતો જવાબ આપવા અપિલ કરવામાં આવી છે. જેમ કેસુભાઈ, ગોરધનભાઈ સહિતના અન્ય પાટીદાર યુવાનોને દબાવી દેવાયા એમ ગોપાલ સાથે આવું કરવામાં ભાજપ સફળ થઈ શકી નથી. આની સાથે ઈસુદાવ ગઢવીએ પટેલ સમાજને સોશિયલ મીડિયામાં ગોપાલ ઈટાલિયાના સમર્થનમાં પોસ્ટ કરવા માટે ટકોર કરી હતી.

ઇટાલિયાનો વાણી વિલાસ કરશે આપને નુકશાન?
ગુજરાત વિધાનસભાની ચૂંટણીમાં હાઇવૉલ્ટેજ ડ્રામા જોવા મળી રહ્યા છે. ગુજરાતની ચૂંટણી પહેલા ટ્વિટર યુદ્ધ બાદ હવે વિડીયો યુદ્ધ શરૂ થઈ ચૂક્યું છે. રાજકારણમાં જૂની વાત ક્યારે તાજી થઈ જશે તે નક્કી નથી થતું ત્યારે હવે સોશિયલ મીડિયા વધુ એક્ટિવ થતાં ની સાથે જ આમ આદમી પાર્ટીની મુશ્કેલીમાં વધારો થઈ રહ્યો છે. આમ આદમી પાર્ટીના ગુજરાત પ્રદેશ અધ્યક્ષ ગોપાલ ઇટાલિયા વાણી વિલાસને કારણે સતત ચર્ચામાં છે ત્યારે હવે છેલ્લા બે દિવસ થી ગોપાલ ઇટાલીયાના જૂના વિડીયો વાઇરલ થઈ રહ્યા છે.

ગોપાલ ઇટાલીયાના આવા અનેક વિડીયો સામે આવે તો નવાઈ નહીં. ગોપાલ ઇટાલીયા અનેક વખત વાણી વિલાસના કારણે ચર્ચામાં આવી ચૂક્યા છે ત્યારે આવનાર સમયમા ગોપાલ ઇટાલીયાની મુશ્કેલીમાં વધારો થશે તે નક્કી છે. આમ આદમી પાર્ટી વિવાદિત નેતાઓના રાજીનામાં લેવામાં જાણીતી છે ત્યારે ગુજરાત વિધાનસભાની ચૂંટણી પહેલા ગોપાલ ઇટાલીયાનું રાજીનામું લઈ શકે છે કેજરીવાલ.