મોરબીમાં અજાણ્યા શખસનો ભાજપને મત આપતો ફોટો વાઈરલ, બંદોબસ્ત સામે અનેક સવાલો ઉઠ્યા

મોરબીઃ ગુજરાતમાં આજે પ્રથમ તબક્કાનું મતદાન શરૂ થઈ ગયું છે. પ્રથમ તબક્કામાં 788 ઉમેદવારો મેદાનમાં ઉતર્યા છે, ત્યારે સાંજે 5 વાગ્યા સુધીમાં તેમનું ભાવી EVMમાં કેદ થશે. ત્યારે મોરબી અને ટંકારામાં અજાણ્યા વ્યક્તિએ ભાજપને મત આપ્યો હોય તેવો ફોટો વાઈરલ થઈ રહ્યો છે. ઉલ્લેખનીય છે કે ચૂંટણીમાં મતદાન કરવા જઈએ ત્યાં મોબાઈલ લઈ જવાની મનાઈ વચ્ચે આવા ફોટો વાઈરલ થતા જોવાજેવી થઈ હતી. વળી બીજી બાજુ મતદાનના આ લોકશાહી પર્વમાં બપોર સુધી મોટાભાગના લોકોએ ભાગ લીધો છે. જોકે આવી તસવીરો વાઈરલ થતા અત્યારે ઘણા સવાલો ઉઠી રહ્યા છે.