રાજ્યમાં હાડ થીજવતી ઠંડીમાં આંશિક રાહત, નલિયામાં 6.1 ડિગ્રી તાપમાન નોંધાયું

નવા વર્ષની શરૂઆતની સાથે જ ઠંડીએ લોકોને દરુજવી દીધા હતા. નલિયામાં 2 ડિગ્રી સુથી તાપમાનનો પારો ગગડ્યો હતો. ત્યારે   છેલ્લા ૩ દિવસની સરખામણીએ ઠંડીમાં સાધારણ ઘટાડો નોંધાયો છે. નલિયા 6.1 ડિગ્રી તાપમાન નોંધાયું હતું. હવામાન વિભાગની આગાહી અનુસાર આગામી બે દિવસમાં લઘુતમ તાપમાન ૨-૪ ડિગ્રી વધતાં ઠંડીમાં ઘટાડો અનુભવાશે.નલિયામાં 6.1 ડિગ્રી સાથે સરેરાશ લઘુતમ તાપમાનમાં સામાન્ય કરતાં ચાર ડિગ્રીનો ઘટાડો નોંધાયો હતો. આગામી ૩ દિવસ નલિયામાં 8  થી 10 ડિગ્રીની આસપાસ તાપમાન રહેવાની સંભાવના છે. અમદાવાદમાં બુધવારની સરખામણીએ ગુરુવારે રાત્રિના લઘુતમ તાપમાન ચાર ડિગ્રી વધી જતાં 14.1 ડિગ્રી નોંધાયું હતું.

સવાર બાદ પવનની ગતિ પણ સામાન્ય ઘટી ગઇ હતી. દિવસ દરમિયાન અમદાવાદનું મહત્તમ તાપમાન 25.1 ડિગ્રી નોંધાયું હતું. આગામી ૩ દિવસ અમદાવાદમાં 13  થી 15  ડિગ્રીની આસપાસ તાપમાન રહેવાની સંભાવના છે. ગત રાત્રિએ 3 શહેરમાં 10  ડિગ્રીથી નીચું તાપમાન નોંધાયું હતું. જેમાં નલિયા,  ડીસા અને ભુજનો સમયવેશ થાય છે.

આ પણ વાંચો: કચ્છમાં મોડી રાત્રે અનુભવાયો ભૂકંપનો આંચકો, રિક્ટર સ્કેલ ઉપર 3.2 ની તીવ્રતા નોંધાઈ