આજે CM ભૂપેન્દ્ર પટેલની અધ્યક્ષતામાં મળશે કેબિનેટની બેઠક, આ મુદ્દા પર થઈ શકે છે ચર્ચા

આજે  મુખ્યમંત્રી ભુપેન્દ્ર પટેલની અધ્યક્ષતામાં  બેઠક મળશે. જેમાં કોઈ મંત્રી પોતાનો ફોન સાથે નહીં રાખી શકે. આજની કેબિનેટ બેઠકમાં  કોરોનાની સંભવિત પરિસ્થિતિ અંગે રાજ્યમાં કરાયેલી તૈયારીની  ચર્ચા થશે. G20 અંતર્ગત ગુજરાતમાં યોજાનારી 15 બેઠકોની તૈયારીની   સમીક્ષા કરવામાં આવી શકે છે. આ ઉપરાંત  સરકારના આગામી 100 દિવસના કાર્યના આયોજન અંગેની  સમીક્ષા થઈ શકે છે.  ગુજરાતમાં યોજાનાર આંતરરાષ્ટ્રીય પતંગ મહોત્સવ અંગેના આયોજન પર ચર્ચા થઈ શકે છે. આ ઉપરાંત  નીતિવિષયક બાબતો પર કેબિનેટમાં થશે ચર્ચા

કેબિનેટ બેઠકમાં મોબાઈલ પર પ્રતિબંધ
મંત્રીમંડળની બેઠકમાં મંત્રીઓ અને અધિકારીઓને મોબાઈલ ફોન લઈ જવા પર પણ પ્રતિબંધ મુકવામાં આવ્યો છે. કેબિનેટ બેઠકમાં થયેલી ચર્ચાને ગુપ્ત રાખવા માટે આ નિર્ણય લેવામાં આવ્યો છે.