Covid Update : દેશમાં કોરોનાએ ફરી માર્યો ઉથલો,છેલ્લા 24 કલાકમાં સામે આવ્યા 166 કેસ

India Covid Update Health Ministry : વિશ્વમાં કોરોનાની મહામારીએ તબાહી મચાવી હતી. જોકે આ મહામારી હજુ સુધી સંપૂર્ણ ખતમ થઈ નથી. દેશમાં શિયાળની અસર દેખાતા જ કોરોનાએ ફરી ઉથલો માર્યો છે. છેલ્લા 24 કલાકમાં દેશમાં કોરોનાના 166 નવા કેસ નોંધાયા છે. હવે સક્રિય કેસોની કુલ સંખ્યા વધીને 895 થઈ ગઈ છે. કેન્દ્રીય સ્વાસ્થ્ય મંત્રાલયે જાહેર કરેલા આંકડા અનુસાર સૌથી વધુ કેસ કેરલમાં નોંધાયા છે. કેટલાક સ્વાસ્થ્ય નિષણતો અનુસાર શિયાળાની સીઝનમાં ઇન્ફ્લુએન્જાના કેસ વધવાની સાથે લોકોમાં શરદી, તાવ અને નિમોનિયા જેવી બીમારીઓ ઝડપથી ફેલાતી હોય છે. તેનાથી બચવા લોકોએ સાવચેતીના પગલા લેવા ખૂબ જ જરૂરી છે.