Covid Update : દેશમાં ફરી એક વાર કોરોનાએ વધારી ચિંતા! 148 કેસ આવ્યા પોઝિટિવ, સ્વાસ્થ્ય મંત્રાલયએ આપ્યું અપડેટ
India Covid Update Health Ministry: વિશ્વમાં કોરોના મહામારીએ ભયંકર તરખાટ મચાવ્યો હતો. હજુ પણ આ મહામારી સંપૂર્ણપણે ખતમ થઈ નથી.વિશ્વભરમાં હજારો લોકોનો ભોગ લેનાર કોરોના…
ADVERTISEMENT
India Covid Update Health Ministry: વિશ્વમાં કોરોના મહામારીએ ભયંકર તરખાટ મચાવ્યો હતો. હજુ પણ આ મહામારી સંપૂર્ણપણે ખતમ થઈ નથી.વિશ્વભરમાં હજારો લોકોનો ભોગ લેનાર કોરોના મહામારી હજુ પણ ચિંતાનો વિષય છે.શિયાળાની શરૂઆત સાથે જ ભારતમાં કોરોના વાયરસના નવા કેસ સામે આવ્યા છે.જેથી દેશમાં ફરી એકવાર ચિંતા વધી છે.
ભારતમાં એક દિવસમાં કોરોના વાયરસના 148 નવા કેસ નોંધાયા
એક અહેવાલ અનુસાર, ભારતમાં એક દિવસમાં કોરોના વાયરસના 148 નવા કેસ નોંધાયા છે. આજ રોજ કેન્દ્રીય સ્વાસ્થ્ય મંત્રાલયના અપડેટ ડેટામાં આ માહિતી જાહેર કરવામાં આવી હતી. સવારે 8 વાગ્યા સુધીના આંકડા મુજબ દર્દીઓની સંખ્યામાં વધારો થયા બાદ હોસ્પિટલમાં સારવાર લેતા દર્દીઓની સંખ્યા વધીને 808 થઈ ગઈ છે જે એક ચિંતાનો વિષય બની શકે છે.
4.50 કરોડ લોકો કોરોનાનો ભોગ બન્યા
આરોગ્ય વિભાગના આંકડા અનુસાર, અત્યાર સુધીમાં કોરોના વાયરસના કુલ કેસોની સંખ્યા 4.50 કરોડ નોંધાઈ છે. જ્યારે મૃતકોની સંખ્યા 5 લાખથી વધુ છે. જોકે, રાહતના સમાચાર એ છે કે મોટી સંખ્યામાં દર્દીઓ સાજા પણ થયા છે. આરોગ્ય વિભાગ દ્વારા જારી કરાયેલા હેલ્થ બુલેટિનમાં કહેવામાં આવ્યું છે કે 4. 44 કરોડ લોકો કોરોના બાદ સ્વસ્થ થઈને ઘરે પરત ફર્યા છે, જે રાહતની વાત છે. દેશમાં ચેપમાંથી સાજા થવાનો દર 98.81 ટકા છે જ્યારે મૃત્યુ દર માત્ર 1.19 ટકા છે. સ્વાસ્થ્ય મંત્રાલયની વેબસાઈટ અનુસાર, અત્યાર સુધીમાં દેશભરમાં એન્ટી-કોવિડ રસીના 220.67 કરોડ ડોઝ આપવામાં આવ્યા છે.
ADVERTISEMENT
2019ના અંતમાં ચીનમાંથી લીક થયો હતો કોરોના
2019ના અંતમાં ચીનના વુહાનમાં પ્રથમ વખત કોરોના વાયરસનો ઉદભવ થયો હતો. બાદમાં તે મોટા પાયે ફેલાઈ અને મહામારીમાં ફેરવાઈ ગયો. સમગ્ર વિશ્વમાં લાખો લોકો માર્યા ગયા હતા, જ્યારે તેનાથી લાખો લોકોના સ્વાસ્થ્યને અસર થઈ હતી. વિશ્વને હચમચાવી નાખનાર વાયરસ વુહાનની બાયો-લેબમાંથી લીક થયો હોવાના આરોપોને ચીને સતત ફગાવી દીધા છે. જેમ જેમ વિશ્વ કોરોનાવાયરસના ઝડપથી ઉભરી રહેલા પ્રકારો સાથે ઝઝૂમી રહ્યું છે, ત્યારે ચીને વિદેશથી આવતી ફ્લાઇટ્સ પર પ્રતિબંધ અથવા પ્રતિબંધ મૂકીને બાકીના વિશ્વથી પોતાને અલગ કરી દીધા હતા.
ADVERTISEMENT