Weather Update: ધરોઈ ડેમના 8 દરવાજા ખોલવા પડ્યા, Ahmedabadમાં ભારે વરસાદના પગલે આજે રિવરફ્રંટ બંધ રહી શકે

આજે રિવરફ્રન્ટ નહીં જઈ શકો…
ગુજરાતમાં સતત વરસતા વરસાદના પગલે ધરોઈ ડેમના કુલ 8 દરવાજા ખોલવા પડ્યા છે. તેવામાં હવે નદીમાં પાણીનું સ્તર વધી જતા સાબરમતી રિવરફ્રન્ટ આજે બુધવારે બંધ રહી શકે છે. કારણ કે આગામી 2 દિવસ સુધી અમદાવાદમાં ધોધમાર વરસાદ પડવાની સંભાવના છે. મંગળવારથી વરસાદે ફરીથી અમદાવાદમાં ધામા નાખ્યા હતા. તેવામાં અત્યારે મોટાભાગના વિસ્તારોમાં હજુ સુધી પાણી ઓસર્યા નથી.

બંગાળની ખાડીમાં લો પ્રેશર
અમદાવાદના અનેક વિસ્તારોમાં જે પ્રમાણે વરસાદ પડી રહ્યો છે. એનું કારણ બંગાળની ખાડીમાં સર્જાયેલું લો પ્રેશર છે. અત્યારે દરિયાકાંઠે તથા માછીમારોને દરિયો ખેડવા જવા માટેની ના પાડી દેવામાં આવી છે. તો બીજી બાજુ રાજ્યના 81 ટકા ડેમ લગભગ પાણીથી ભરાઈ ગયા છે. જે આમ જોવા જઈએ તો ઘણા સારા પ્રમાણમાં ખાબકેલા વરસાદની નિશાની છે.