મેં મારા કાળજાનો કટકો ગુમાવ્યો છે….: વડોદરા દુર્ઘટનામાં જીવ ગુમાવનાર વિશ્વાના પિતાએ રડતાં-રડતાં જે કહ્યું તે સાંભળી હૈયુ ધ્રુજી જશે

Vadodara Harni Lake Tragedy: વડોદરાના હરણી તળાવ ખાતે ગઈકાલે બનેલી દુઃખદ ઘટનાથી આખું ગુજરાત હચમચી ગયું છે. હરણી તળાવમાં બોટ ડૂબી જતાં 12 બાળકો અને 2 શિક્ષિકાના મૃત્યુ નિપજતાં વડોદરા આખામાં ગમગીની વ્યાપી ગઈ છે. માસુમ મૃતકોના માતા-પિતાના રડી-રડીના ખરાબ હાલ થઈ ગયા છે. આ દુર્ઘટના બાદ મૃતકોના પરિવારના આંસુ બંધ નથી થઇ રહ્યા. પરિવાર પોતાના બાળકોની અનેક વાતો યાદ કરી રહ્યા છે.

આ દુર્ઘટનામાં મૃત્યુ પામેલી વિશ્વા નિઝામાના માતા-પિતાને જ્યારે આની જાણ થઈ ત્યારે તેમના પગ નીચેથી જાણે જમીન ખસી ગઈ હતી.  પિતા કલ્પેશભાઈ નિઝામાએ રડતાં-રડતાં પૌતાની હૈયાવરાળ કાઢતા કહ્યું હતું કે, ‘મારા કાળજાનો કટકો સ્વર્ગવાસ થઈ ગયો છે. જવાબદાર સામે કાયદેસરની કાર્યવાહી કરવામાં આવે.અમારે ન્યાય જોઈએ છે.’