Video- ‘ભરોસાની ભાજપ સરકાર’ની ગાડી ફસાઈ તો ‘કોંગ્રેસનું કામ બોલે છે’ લખેલી ગાડીએ કરી મદદઃ AAPએ શું કહ્યું

AAP બોલી આ છે ઈલુ ઈલુ
ગુજરાત વિધાનસભાની ચૂંટણીમાં આ વખતે સીધી રીતે જોવા જઈએ તો ત્રિપાંખીયો જંગ છે. દરેક પાર્ટી એક બીજાને એક બીજાની બી ટીમ ગણાવીને મતદારોને પોતાના તરફ આકર્ષી રહી છે. દરમિયાન રાજકીય ગરમા ગરમી વચ્ચે એક હળવું સ્મિત ફરકાવી દે તેવી એક ઘટના બની છે. આ ઘટના દિયોદરની હોવાનું કહેવાય છે પરંતુ તેની કોઈ સત્તાવાર વિગતો નથી. આ વીડિયોમાં એક ભરોસાની ભાજપ સરકાર એવા સ્લોગન સાથે પ્રચાર કરી રહેલો ટેમ્પો માટીમાં ફસાઈ જાય છે. આપ અહીં વીડિયોમાં જોઈ શકો છો કે તેમાં કોંગ્રેસનું કામ બોલે છે તેવું લખેલો ટેમ્પો તેની મદદે આવે છે અને તેને બહાર કાઢે છે. સોશિયલ મીડિયા પર આ વીડિયોને લઈને ભારે રમૂજ ચાલી છે તો આમ આદમી પાર્ટીએ આ વીડિયોમાં બંનેની ભાઈબંધી બતાવવાની તક છોડી નથી અને કહ્યું છે કે, ગુજરાતમાં ભાજપની અટકેલી ચૂંટણી ગાડીને બચાવવામાં પુરું જોર લગાવતી કોંગ્રેસ… આ છે ચૂંટણીમાં ભાજપ અને કોંગ્રેસના ઈલુ ઈલુની કહાની.

કોણ કોના સહારે, ભરોસાની ભાજપ સરકાર કે કોંગ્રેસનું કામ બોલે છે ?

ભારતીય જનતા પાર્ટીના કેમ્પેઈન માટેનું વાહન ખોટવાતા કોંગ્રેસનો પ્રચાર કરતાં ટ્રકની લેવાઈ મદદ, વાયરલ થયો વીડિયો #VideoViral #BJP #Congress pic.twitter.com/DTK1VxNg4p

— Gujarat Tak (@GujaratTak) November 12, 2022