MAKAR SANKRANTI 2024: આજે ઉત્તરાયણના દિવસે પવનની ગતિ કેવી રહેશે? જાણો હવામાન વિભાગની આગાહી
Makar Sankranti 2024: આજે સમગ્ર રાજ્યમાં ધાબા પર ધૂમ જોવા મળશે. સવારથી જ પતંગ રસિકોમાં ખુબ જ ઉત્સાહ જોવા મળી રહ્યો છે. આ વચ્ચે તમામ…
ADVERTISEMENT
Makar Sankranti 2024: આજે સમગ્ર રાજ્યમાં ધાબા પર ધૂમ જોવા મળશે. સવારથી જ પતંગ રસિકોમાં ખુબ જ ઉત્સાહ જોવા મળી રહ્યો છે. આ વચ્ચે તમામ પતંગરસિકો માટે ખૂબ જ મહત્વનું છે કે આજે પવનની ગતિ કેવી હશે. તો હવામાન વિભાગ તરફથી પતંગબાજો માટે સારા સમાચાર આવ્યા છે. આજના દિવસે પવનની ગતિ સારી રહેશે તેમજ આગામી 5 દિવસ વાતાવરણ સૂકું રહેશે અને ઠંડીનો ચમકારો પણ અનુભવાશે.
પવનની ગતિ આ દિશામાં જોવા મળશે
હવામાન વિભાગની આગાહી મુજબ આજે રાજ્યમાં પવનની ગતિ સારી રહેશે. સાથે જ કચ્છમાં કોલ્ડવેવની આગાહી કરવામાં આવી છે. જેમાં 2 થી 3 ડિગ્રી તાપમાન ઘટશે અને ઉત્તર પશ્ચિમ ઉતરના પવન ફૂંકાશે. આ સાથે આગામી 5 દિવસ વાતાવરણ સૂકું રહેશે અને ઠંડીનો ચમકારો પણ અનુભવાશે.
ઉતરાયણ પણ અંબાલાલા પટેલની આગાહી
ઉતરાયણ પણ અંબાલાલા પટેલે આગાહી કરી છે કે, તે દિવસે પવનની ગતિ સારી રહેશે. પતંગ રસિયા માટે સારા સમાચાર છે કે, 10થી12 કિ.મી પ્રતિ કલાકની ઝડપે પવન ફુંકાઈ શકે છે.
ADVERTISEMENT
ઉત્તરાયણ પર્વને લીધે મેટ્રો સર્વિસનો સમયગાળો વધરવામાં આવ્યો
મકરસંક્રાતિ અમદાવાદમાં ધામધૂમથી ઉજવાય છે માટે આ અવસરે શહેરીજનોની સુવિધા માટે મેટ્રો ટ્રેન સર્વિસ પણ વધારી દેવાઇ છે. ઉત્તરાયણ પર્વને ધ્યાનમાં રાખી અમદાવાદ મેટ્રો દ્વારા મુસાફરોની સેવામાં નિર્ણય લેવામાં આવ્યો છે. તારીખ 14-01-2024 અને 15-01-2024ના રોજ અમદાવાદ મેટ્રો ફેઝ-1ના બંને કોરિડોર (વસ્ત્રાલ ગામથી થલતેજ અને APMCથી મોટેરા)માં મેટ્રો ટ્રેન સેવાઓ સવારે 6.20 કલાકથી રાત્રિના 10 વાગ્યા સુધી દર 20 મિનિટના અંતર ઉપલબ્ધ રહેશે.
ADVERTISEMENT