MORBI ની દુર્ઘટના ટળી ગઇ હોત જો આ પરિવારનું કોઇએ સાંભળ્યું હોત

ઘટના અંગે ચોંકાવનારો ઘટનાક્રમ ટાળી શકાયો હોત
ઘટના અંગે ચોંકાવનારી વિગતો સામે આવી રહી છે કે, મુળ જામનગરના વતની અને હાલ અમદાવાદ રહેતા એક પરિવારે બ્રિજ પર થયેલી ભારે ભીડ અંગે સંચાલકની ઓફીસે જઇને ફરિયાદ કરી હતી. બ્રિજ પર કેટલાક તોફાની આવારા તત્વો જે કરી રહ્યા છે તે અંગે ચેતવણી આપી હતી.

વિજયભાઇ અગરબત્તીવાળાએ સ્થાનિક તંત્રને ફરિયાદ કરી હતી
ઘટનાને વર્ણવતા વિજય અગરબત્તીવાળાએ જણાવ્યું કે, હું મુળ જામનગરનો છું અને હાલ અમદાવાદના બાપુનગરમાં રહુ છું. અગરબત્તીનો વ્યવાય કરૂ છું. વતનમાં દિવાળીઉજવવા માટે ગયાહ તા. અમદાવાદ પરત ફરતી વખતે મોરબીમાં સંબંધીના ઘરે ગયા હતા. જેથી પરિવારોએ ઝુલતા પુલ પર જવાનો નિર્ણય કર્યો હતો. ત્રણ વાગ્યાની આસપાસ અમે ઘટના સ્થળે પહોંચ્યા હતા. જો કે બ્રિજ પર કેટલાક અસામાજિક તત્વો ધીંગામસ્તી કરી રહ્યા હતા. જેથી અમે સ્થાનિક સિક્યુરિટી ગાર્ડ અને ઓફીસનો સંપર્ક કરીને આ અંગે ફરિયાદ કરી હતી.

સ્થાનિક તંત્રએ ફરિયાદ સાંભળી જ નહી
જો કે સ્થાનિક બ્રિજની સારસંભાળ કરનારા ઓફીસમાંથી ઉદ્ધતાઇ ભર્યો જવાબ મળ્યો હતો. જેથી આ પરિવારના લોકો તેથી ગુસ્સે ભરાઇને ત્યાંથી નિકળી ગયા હતા. પરત ફરતી વખતે તેમણે જોયું કે, વધારે પ્રમાણમાં લોકો બ્રિજ તરફ કોઇ સિક્યુરિટી નહી પણ નહોતા. લોકો ખુબ જ ધીંગા મસ્તી કરી રહ્યા હોવાનાં કારણે તેઓ નિકળી ગયા હતા. જેના ડોઢ જ કલાકમાં આ દુર્ઘટના બની હોવાની અમને માહિતી મળી હતી.