વરસાદને લઈ હવામાન વિભાગે કરી મોટી આગાહી, આજે આ જિલ્લાઓમાં તૂટી પડશે વરસાદ

વરસાદની પ્રથમ ઇનિંગમાં જ રાજ્યના જળાશયોમાં નવાનીરની આવક શરૂ થઈ હતી ત્યારે વરસાદની બીજી ઇનિંગમાં પણ જળાશયોમાં નવા નીરની આવક થશે. આ સાથે જ વરસાદને પગલે ખેડૂત ખુશ ખુશાલ જોવા મળી રહ્યા છે. ત્યારે હવે આજે 8 જુલાઈ માટે નવસારી, સુરત, વલસાડ, દમણ, દાદરા નગર હવેલી, પોરબંદર, જુનાગઢ, દ્વારકામાં અતિભારે વરસાદની આગાહી કરાઈ છે. જ્યારે બનાસકાંઠા, પાટણ, સાબરકાંઠા, અરવલ્લી, અમદાવાદ, નર્મદા, ભરૂચ, ડાંગ, તાપી, રાજકોટ, જામનગર, અમરેલી, ભાવનગર, મોરબી, ગીર સોમનાથ, કચ્છ અને દીવમાં ભારે વરસાદની આગાહી ક હવામાન વિભાગ દ્વારા કરવામાં આવી છે.

આવતી કાલે અહી વરસાદ તૂટી પડશે
એક તરફ ચોમાસાની સિઝનમાં પહેલા વરસાદમાં જ નદી છલકાવા લાગી હતી. ત્યારે હવે વરસાદની બીજી ઇનિંગ શરૂ થઈ ચુકી છે. જેમાં આવતી કાલે રવિવારે જુનાગઢ, ગીર સોમનાથ, દીવ, સુરેન્દ્રનગર, રાજકોટ, પોરબંદર, અમરેલી, મોરબી, દ્વારકા, બોટાદ, કચ્છ, સુરત, નવસારી, વલસાડમાં અતિભારે વરસાદની આગાહી કરાઈ છે. જ્યારે આણંદ, વડોદરા, નર્મદા, ભરૂચ, ડાંગ, તાપી, જામનગર, ભાવનગરમાં ભારે વરસાદની આગાહી હવામાન વિભાગ દ્વારા કરવામાં આવી છે.