કોર્ટે સરકારની ઝાટકણી કાઢી, 3 હજાર રૂપિયામાં કંઇ જ ન થાય વળતર વધારો

મૃતકોની જ્ઞાતી લખવાનો શું તાત્પર્ય છે
કોર્ટે મૃતકોના જાતીનો ઉલ્લેખ કર્યો તે અંગે પણ કોર્ટે લાલઆંખ કરી હતી. મૃતકની જ્ઞાતી લખવાની શું જરૂર હતી તેવો વેધક સવાલ પણ કર્યો હતો. માતા-પિતા ગુજરી ગયા હોય તેવા બાળકોને પ્રતિમહિને 3 હજાર રૂપિયાનું વળતર સરકાર ચુકવશે. હાઇકોર્ટે કહ્યું કે, હાલમાં 3000 રૂપિયામાં યુનિફોર્મ અને પુસ્તકો પણ નહી ચુકવાય. વળતર પુરતુ નથી.

કોર્ટે અગાઉ જ સુઓમોટો લઇને સરકારની મંશાની ઝાટકણી કાઢી હતી
સુઓમોટો સુનાવણી દરમિયાન હાઇકોર્ટે સરકારને મહત્વનો હુકમ કર્યો હતો. રાજ્યના તમામ બ્રિજનો સર્વે કરવા માટે પણ સરકારને આદેશ આપ્યો હતો. આ તમામના ફિટનેસ સર્ટિફિકેટ કોર્ટને જ આપવા માટે અપીલ કરી હતી. કોઇ બ્રિજમાં ખામી સર્જાયેલી હોય તે તેનું તત્કાલ સમારકામ કરવાનો પણ આદેશ આપ્યો હતો. આ ઉપરાંત જો ઘાયલ થનારને વિશેષ સારવારની જરૂર હોય તો સારી હોસ્પિટલમાં દાખલ કરાવવામાં આવે. આ ઉપરાંત ઓરેવા કંપનીના સંચાલકો સામે શું પગલા લેવાયા તે અંગે પણ પુછ્યું હતું.