ઓખામાં કોલસાના ઢગલામાં ભયાનક આગ, સળગતા અંગારા પવનમાં ફંટાતા ભયાનક દ્રશ્યો

એક તરફ ઓખઆ બંદરે વાવાઝોડાના કારણે ઉંચા મોજા ઉછળી રહ્યા છે. બીજી તરફ જેટ્ટી પર કોલસાના ઢગલામાં આગ લાગી ગઇ છે. જો કે આગ લાગવા પાછળનું કારણ હજી સુધી જાણી શકાયું નથી. ઉપરાંત આ વિસ્તાર હાલ જવા માટે પ્રતિબંધિત હોવાથી અને ભારે પવન ફુંકાઇ રહ્યો હોવાના કારણે અહીં આગ ઓલવવાની પ્રક્રિયા પણ લગભગ શક્ય નથી.

પવનમાં હાલ કોલકાના સળગતા અંગારા ચોતરફ ફંટાઇ રહ્યા છે. જેના કારણે તે અન્ય કોઇ જ્વલંતશીલ પદાર્થ પર પડે તો ત્યાંથી પણ આગ લાગે તેવી શક્યતા છે. વાવાઝોડામાં આ આગ વધારે ન ફેલાય તે માટેના પ્રયાસો કરવામાં આવી રહ્યા છે. આગામી પાંચ કલાક સુધી વાવાઝોડાની અસર જોવા મળશે. જેના કારણે કચ્છ અને દ્વારકાના દરિયા કિનારે ભારે તબાહી જોવા મળી રહી છે.